Sunday, April 26, 2020

වඳුරු මෑ

මෙි සිදුවීම වෙන්නෙ 1999 මුල් භාගයේ

වාලච්චෙින 232 බළසේකා මූලස්ථානයේදී.දන්නවනේ මෙි කාලෙ ගැන.හරිම අමාරුවෙන් තමයි ජීවිතේ රැක ගත්තෙ.ඒ වුනාට ඉතිං එහෙමයි කියල අපි ආතල් ගන්න එකත් කාටවත් නවත්තන්න බැරිවුනා අඩුම ගානෙ කරුණාටවත්.

මෙි බ්‍රිගේඩ් එක වටෙිට දාල තිබුනා ආරක්ෂක මුර කපොළු කිහිපයක්.ඒ එකක් තිබුනේ කිරි මංඩලේ කියල.

නෑ.නෑ.ඔයා හිතපු එක වැරදියි.කිරිමංඩලේ කිව්වෙ ඒක නෙවෙයි මනුස්සයෝ.... ඒ පොයින්ට් එකේ නම.එතැන තිබුනේ නෙස්ට්ලේ කිරි එකතු කිරීමෙි මධ්‍යස්ථානයක්.ඒ කිට්ටුව තමා අපි උපක්‍රමිකව ස්ථානගත වෙලා හිටියෙ.මෙික දවල්ට මාර්ග බාධකයක් විදියටත් රෑට රැකසිට පහරදීමෙි කණ්ඩයක් විදියටත් රාජකාරි දෙකක් ඉටු කරනවා.මොනාද ඉතින් රෑට එක තත්පරයක් නිදියන්නෙ නෑ.බයට නෙවෙයි.කොහෙන් කොටි ගහයිද කියල බලාගෙන ඉන්නවා.දවල්ට ඉතිං ඇහැරල ඉන්නව කියන්නෙ මළාම තමා.ඇස් දෙක මාරම අමුතුම කහට රහක් එනව නිදි මතට.

ඔය පෙයෙින්ට් එක වටෙි තිබුනා පරණ, ගඩොල් කපන්න පස් ගත්තම හැදෙන වලවල් කිහිපයක්.මමත් මගේ බැජියෙකුත් තව එකෙකුත් සෙට් වෙලා කරන්නෙ හවස තුනෙන් පස්සෙ වගෙ වැලි කොට්ට ගහන්න ගෙනාපු පොලිසැක් උර කිහිපයකුත් කිහිලි ගන්නගෙන කාටවත් නොකියා අර වලවල් වලට බැහැල ඒ ඇතුලෙ තියෙන පඳුරු අස්සට රිංගලා ශේප් එකේ සිගරැට්ටුවක් එහෙම ඇදලා කට කපල නිදන එක.දවල්ට ටර්න් එකට නිදියන්න අවසර තිබුනත් මෙි වගේ කුප්ප තැන්වල රිංගන්න අවසර නෑ.මොකද හදිසියෙවත් ටෙරා ගැහුවොත් එකතු වෙන්න බැරිවෙන එකයි, අපිත් ඒ අහු අස්සෙ පොයින්ට් එකට රිංගුවොත් අපිත් කොටි කියල හිතල වෙඩි අතාරින එකයි දෙකම වළක්වගන්න ඔින නිසා.

නමුත් අපි ඇහුවෙ නැත්තෙත් ඔිකමයි.ගහන කොටි ගහපුවාවෙ කියල අර පඳුරු අස්සෙ රිංගන එකමයි වැඩෙි.අනික ඔිව සංසාර පුරුදුද කියල කව්ද දන්නේ.ඒ අවට කිලෝ මීටර ගානක්ම තියෙන්නෙ විවෘත භූමියක්.ඒ ඔිපන් එකෙන් හමාගෙන එන හුළං පාරත් එක්ක ඒ එන නින්ද ආයෙ දිවිය ලෝකෙ එක්කවත් සසඳන්න බෑ.අර පොලිසැක් උරේ එලන කොට ඇස් පියවෙලා නින්දත් ගිහින්ම තමා වැටෙන්නෙ.ඒ තරමට සනීපයි.

ඉතින් ඔන්න දවසක් අපි එහෙම නිදා ගන්නත් ගියාම කියමුකො.කියන්න බැරි උනා.දවල්ට මෙි රෝඩ් බ්ලොක් එකේ ගෑල්ලමයි දෙන්නෙකුත් රාජකාරි කරනව හොඳේ.අපිට ඉතින් ඒව අදාල නෑ.අනික අපි ඔිවට ඇත්තෙත් නෑනෙ.අපි දෙන්න (එදා දෙන්නයි) නිදාගන්න යනකොට ඇති දෙකහමාරට විතර.පුරුදු විදියට පොලිසැක් දෙකතුනකුත් කිහිල්ලෙ ඇනගෙන හොරෙන් කෙහෙල් කපන්න යනව වගෙ හීන් සැරේ කම්බි වැටත් පාත් කරල රිංගල අපේ කට්ටියට හොරෙන් පැන්නා.පැනල ගිහින් නිදාගන්නවා විතරයි මතක.මට ඇහෙනව නිකන් හීනෙන් වගෙ ලඟ ලඟම චික්කා...!! චික්කා...!! ආරච්චි,, ආරච්චි,, බංඩාර ...බංඩාර... කියල සත්තු වගේකට කතා කරන හඬක්. ඒ අස්සෙ සීදේවි කට හඬකුත් ඇහෙනව... ගෑල්ලමෙක්ගෙ වගෙ..හාරච්චි හාරච්චි... කියල.

මං වල පල්ලෙ ඉඳගෙනම ...ඔිහ්... කීව විතරයි පත ගලක් රෝල් වෙලා ආව අපි දෙන්න නිදාගෙන උන්නු තැනට. මං දඩස් ගාල අනිකගෙ ඇඟටත් උඩින් රෝලින් පාරක් දාල යන්තම් අර ගල් ගෙඩියෙන් බෙිරිල අනික් පැත්තට පැන්න.අනික් එකා බංඩාරෙය ඌ ඒ ඇසිල්ලට බඩයි ඉස්සරහ පශ්චාත් භාගෙයි බෙල්ලයි බදාගෙන එක පාරටම 'බුදු අම්මෝහ් 'කියල විලාප තියන්න ගත්තා.ගල් ගෙඩිය වැදිල නෙමෙි.මං හරි දක්ශතාවයෙන් ගහපු රෝලින් එකට උගෙ බඩයි "කරුව" හරියයි බෙල්ලයි පාගගෙන තමා පැනල තියෙන්නෙ.ඔය "කරුව" කියන එක පෑගුනාම එන පීලිං එක දන්නෙ තවත් පිරිමියෙක්ම විතරයි.ඒ නිසා මෙික බලන ගෑල්ලමයි ඒව හොයන්න යන්න එපා හොඳේ.

ඉතින් පැන්නම කියමුකො.අම්මට සිරි උඩින් ඇහෙනව වදන් පෙළක් ආයෙ මොනාද රත්තරනේ මං හිතන්නෙ අපෙ මී මුත්තවත් ඒ කුනුහරුප මොනාද කියන්න දන්නැතුව ඇති.සමහර ඒව මම අහල තිබුනෙත් නෑ.ඒත් අනාගතේ දවසක ඔින වෙයි කියල අහගෙන හිටිය.

අන්තිමට-

*වරෙව් ප&%#$ල දෙන්නම උඩට

*ඇයි කෝපල්. ඒ මම

* කොහෙද ප&@%යො තොපි හැංගුනේ.තොපිට කියල තියනව නේද මෙිකෙන් එළියට යන්න එපා කියල

*ඔව් කෝපල්... කියනවත් එක්කම අතත් උළුක් කරගෙනම පොර පැන්න මගෙ හක්කට දෙකක් අනින්න.මං මොනාද ආයෙ ඉතින් සෙනිකව අනිකා අතින් ඇදල ඉස්සරහට දාන ගමන් පැන්න පැනිල්ලක් පස්සට ඉස්ස වගෙ.පැනල අහක්වෙලා දුවන ඉරියව්වට ආව විතරයි...කෝපල්..

* මෙහෙ වරෙන් ප&@%..තෝ තමා ඔක්කොම කරන්නෙ.ඔහෙ හිටාං..දුවන්ඩෙපා.දිව්වොත් තොට වෙඩි තියනව මෙතනම මැරිල යන්න..හිටපිය ප&$%$.ය..හිටපිය ඉතිං කිව්වම.

මට ගොඩාක් බය හිතිලා ජීවිතේ අවසාන මොහොත තමා මෙි..වෙඩිත් කාල දැං ආරච්චි ගුටිත් කයි...පව් දෙයි⁣යනේ...සෙබළු..පව් ආරච්චි...කියල ඔයාල හිතුව වැරදියි.

මොන පිස්සුද අනේ එයා කොහෙද මාව අල්ලන්නෙ.මං පිකප් එක ගත්තෙ නිකන් සීටීබියක් යනව දැකපු ඩීඑස් ගුණසේකර බස් එකක් වගේ. එකම තැන දුම දාන්න පිකප් කලේ. ඒ ගැම්මෙංම මං ආයෙ නැවතිල පස්ස බැලුවෙ පොයින්ට් එකටත් රිංගල.දැං එනව කට්ටියම අම්ම මෝ නැතුව බැන බැන.කෙල්ලො දෙන්න හිනාවෙනව.මට මලේ මල ඉතිං.අරූටනං හක්ක ඉදිමෙන්නම දෙක තුනක් ඇනලම දාලද කොහෙද කුදලං එනව පේන්නෙ..සීන් එක මීටර් වුනේ නෑ නේද.මං කියන්නං.අපි දෙන්න වලට බැහැල නිදාගත්තා.සනීපෙට නින්ද ගියා.හයට ඇම්බුෂ් එකට පොලිං කරනවනෙ.එතකොටත් අපි නිදි.හොඳට නින්ද ගිහින්.මෑන්ස්ල දෙන්න නැති හිංදා පැය බාගයක් තිස්සෙ හොයල.අපිට ඇහැරුනෙ නම් අඬගහන සද්දෙට.හයයි හතලිස් පහට හතට විතර ඇති වෙලාව.කෙල්ලො ආපහු කඳවුරට ගෙනියන්න ආව වාහනේ අයත් බැහැල අපි දෙන්නව හොයල.

ඉතින් දැං ඇතුලට ආපු කෝප්‍රල් කිව්ව 'විනාඩි දෙකක් දෙන්නං ගහපියව් ප&$%#ල දෙන්නම බැටල්ඔිඩර් කියල..(ඒකෙ රහ සොල්දාදුවො විතරයි දන්නෙ හොඳේ)අපි දෙන්න දිව්ව කිට් එක දාගන්න.ඒ අස්සෙ මං හෙල්මට් එක තියපු තැන නෑ.මං ඒක හොයනව.අනිකා යුනිෆෝම් එක අඳිනව.මට ඉතින් ඔිවගෙ පුරුදු වෙන්න දෙයක් නෑ.⁣ස්ටෑන්ඩ් බයි කිට් එක හදල තියෙන්නෙ.මං කොහොමත් දවස් දෙක තුනකට සැරයක් අනිවා බැටලෝඩ ගහනවම තමයිනෙ ඉතිං.

මමත් ඉතින් හට් එක ඇතුලෙ ඉඳන්

*අනේ කව්රු හරි බෙල්ට් එකක් අරං මට ඩබල් එකක් දෙන්නකෝ.. කිය කිය හිමින් සැරේ ලේස්ති වෙනව. ඒ කාලෙ ඉතින් කෙනෙකුට ගහන්න ලේසිම දේ බෙල්ට් එකනෙ.කෝස්වලත් වැඩියෙන්ම තලන්නෙ බෙල්ට් එකෙන්මනෙ.මාත් ඉතින් ඒ පුරුද්දටම අනේ කව්රු හරි බෙල්ට් එකක් අරං මට ඩබල් එකක් දෙන්නකෝ කිය කිය ලේස්ත් වෙවී හෙල්මට් එක හොයනව.ඔික ඇහුන කෝප්‍රල්ට.(කෝප්‍රල් ජයරත්න.එයා තමා ඉන්චාජ්.මං ගරු කරන චරිතයක්.සුපිරිම උපදේශකයෙක්.බඩෙි බොක්කෙ තියෙන දේ හරි උගන්නනව.ඒ වගේම දෙනව.හරි හොඳයි.හොඳයි කිව්වට මෙි වෙලාවෙ එයා හරී නපුරුයි හොඳේ.උපදේශකයෙක්නෙ)ඔය අහුඅස්සෙ මං අර නෝන්ඩියට වගේ කිව්ව බෙල්ට් කතාව ඇහුනා පොරට.මුකුත් නෑ ආයෙ.. "තොගේ අප්පට" කියාගෙන දැතිවත් කපපු නැති තල්පිති අවියකුත් දෑතින්ම අමෝරාගෙන හට් එක ඇතුලට පැන්න මට ෂොට් එක දෙන්න.ඒ හට් එක වටෙිට ගහල තිබුනෙ ටකරං.මං ඒ ගහල තිබුන ටකරමකුත් ගලෝගෙනම ඇඳ ඇඳ හිටපු ෂර්ට් එකේ බොත්තමුත් දාන ගමන්ම පැන්න එළියට.ඇයි දෙයියනේ අර තල් පිත්තෙන් එකක් කෑවොත් දෙකක් තුවාලයි. එකක් වැදිල තුවාල වෙනව.අනික ඒකෙ දැතිවලට කැපිල තුවාල වෙනව.මං එ් හිංද ටකරමුත් ගලෝගෙනම පැන්න එළියට.දැං පොර වටෙන් ආව ආයෙ මට නෙලන්න.මං ආයෙ අතනින්ම ඇතුලට පැන්න.පොර ආයෙ ඇතුලට එනකොට මං අමුතුවෙන්ම ආායත් ටකරමක් ගලෝගෙන එලියට පැන්න.මෙික ඉවර වෙන්නෙ නෑ ටකරංටික ගැලවෙන එක විතරයිනෙ වෙන්නෙ කියල කෝප්‍රල් බැන බැන යන්න ගියා අමුතුවෙන් ආයෙ ලේස්ති වෙන්න විනාඩි දෙකකුත් දීල.දැං බැටලෝඩ ගහගෙන ගියා.ඉස්සරහට.

* වරෙව් මං ඉස්සරහට

*කෝප්‍රල්

*කෝ තොගෙ හෙල්මට් එක.(මට හෙල්මට් එක හොයාගන්නම බැරිවුනා.)

*නෑ.කෝප්‍රල්.

*නැති හිංද තමයි ප*&%යො ඇහුවෙ.කෝ තොගෙ හෙල්මට් එක.

*කෝප්‍රල් ඒක මීයො.......කියන්න හම්බුනේ නෑ."චට්ට්ටාස්ස්ස්"

මං කියන්න ගියෙ ඒක මීයො කාලද්දන්නෑ කෝපල් තිබ්බ තැන නෑනෙ කියල.ඊට කලින් මං කියන්න යන එක තේරිලද මංද චට්ටාස් ගාල අතෑරිය.

*පල ගිහින් හොයංවර හෙල්මට් එක.(අනිකට) තෝ මූ එනකං පල නට්(ඌට මර ආතල්)

මං ඉතින් පැය කාලක් යනකං හෙල්මට් එක හෙව්ව හෙව්ව හම්බුන්නෑ.එතකං අරූ නට්.😁😁😁

පස්සෙ බැරිම තැන මං ආව හිමීට හිමීට ගහන්න හැදුවොත් දුවන්ඩ බලාගෙන.

හැබැයි තරහ ටිකක් නිමිල වගෙ.

* ඇයි නැද්ද??

*නෑනෙ කෝප්‍රල්..

*හරි වරෙං මෙතනට.

කිව්ව තැනට ආව.දැං ලෙක්චර් එක.පැය බාගයක් විතර හෙන දේශණයක් දීල අපිට කිව්ව දුරක් පෙන්නල විනාඩි දෙකෙන් ඒ දුර දුවල වරෙව් කියල(හැබැයි ඊට පස්සෙ හක්කනං තැලුවෙ නෑ)අපි දුවල ගිහං ආව.ආයෙත් යැව්ව.ඔහොම දෙපාරක් දුවල ආවම ආයෙ තැනක් පෙන්නල කිව්ව දුවල වරෙව් කියල.අනිකට උපරිමෙිටම මල පැනල.ඌ කියනව--

*අහට්ට දුවන්ට කියනව..මෙහට්ට දුවන්ට කියනව..මක්කැයි කෝපල් දොඩන්නෙ.??(ගම කොහෙ වෙන්න ඇතිද උගෙ😁😁😁)

මෙික ඇහුන විතරයි මට උන්හිටිතැන් අමතක වුනා.හයියෙන්ම හිනාගියා.බලෙනුත් එක්ක හිනාවුනා.ඒකට කෝපල්ටත් හිනා ගියා.ඊට පස්සෙ දඬුවම් දීම නවත්තලා

*"ගිහිං කාල ලෑස්තිවෙයව් ඇම්බුෂ් එක යන්න."කිව්ව.අපි දෙන්නත් ඉතින් අනේ වෙච්චි දෙයක් කියල හිත හිත ආසියාවෙම ඉන්න අහිංසකයො දෙන්න වගේ ඉදිරි කටයුතු කරගෙන ගියා.

දැං පහුවදා.

මට අමතක නෑනෙ කලින් දවසෙ රෑ වෙච්චි දේ.අපි නාන ටැංකියට පොඩ්ඩක් එහායින් තියෙනව දේවත්වයෙන් සලකන කොහොඹ වෘක්ෂයක් දැඩිව වෙලාගත්තු දඩ සයිස් වඳුරු මෑ වැලක්..දේවත්වයෙන් සලකනව කියන්නෙ ඔය අහලින් පහලින් කව්රුත් යන්නෑ.ගියත් කහනව..ඒතරං වදුරු මෑ⁣ වැලේ සයිස් එක. ඒකෙන් හරි ලස්සනට කරල් පල්ලෙහාට බෙිරිලාාා එල්ලෙනව.හරියට වැටකොලු පතෝල මැස්සක වගේ.අපේ කෝප්‍රල් හවසට නාල එහෙම අඳින්නෙ ෆ්‍රී ස්ටයිල් ඉන්න ඔින නිසා කලුපාට ටය්ටි ශෝට් එකක්.මං නාන්න යනකොට ඒක ටැංකිය ලඟ වැලේ හෝදල දාල ලස්සනට වැලේ මද සුලඟෙ වැනි වැනි තියෙනවත් දැක්ක..මට ආව මරු අදහසක්.ඒත් ඒක ක්‍රියාත්මක කරන්නනං මං නාන්න යනකොට නනා හිටපු එකා දෙන්න යන්නෝන.මොකද මිනිහෙක් මැරුවත් සාක්කියක් නැතිවෙන්න කරන්න ඔිනනෙ කියන ප්‍රථිපත්තිය මං කොතනත් අනුගමනය කරන දෙයක්.පස්සෙ.මං අරුං දෙන්න නාල යනකම්ම බයිලා පාරකුත් ගහගෙන පාඩුවෙ හිටියා කෝපල්ගෙ ටයිට් ශෝට දිහා හොරෙන් බල බල.දෙන්න නාගෙනත් ගියා කියමුකො.ඉතින් මාත් හොඳට වටපිට බලල වඳුරු මෑ වැල ගාවට ගිහින් පාතින්ම තිබුනු හොඳට බූව තියෙන කරල් දෙකතුනකුත් කඩාගෙන කෝප්‍රල්ගෙ ශෝට ගාවට ඇවිත් අර කරල් ඔක්කොම හොඳට ඇතිල්ලුවා ශෝට ඇන්දම අයිටම් එකට හරියටම සෙට් වෙන පොට් එකේ..පස්සෙ මාත් පටස් ගාල උඩින් පල්ලෙන් වතුර ටිකකුත් නාගෙන ආව.දැං තුනට විතර ඇති.මෙි ටයිම් එකට තමා කෝප්‍රල් නාන්න යන්නෙ.මාත් රෝඩ් බ්ලොක් එකේ මෙිසෙ උඩට වෙලා ඉඳගෙන කෙල්ලො දෙන්නත් එක්ක බර කයියක් දාන ගමන් කෝප්‍රල් ජයරත්න නාන දිහා බලාගෙන හිටියා.මෙිසෙ උඩ ඉඳගත්තම නාන ටැංකිය හොඳට පේනව.කෝප්‍රල් නාල ටවල් එකත් ඇඳගෙනම ගියා ශෝට ගාවට.ගත්තා..ඉම්බා..ඇන්දා.

දැං හෝදපු ඇඳුමුත් වැලේ දැම්මා.

ඔන්න දැං එනව බාල්දියත් එල්ලගෙන වන වන.මං සීන්කෝන් එක හොඳට බලාගෙන.එයාගෙ හට් එක ඇතුලටත් ගියා.ඊට පස්සෙ මුකුත් වෙනසක් වුනෙත් නෑ.අම්මට සිරි විනාඩි දහයක් විතර යනකොට මෙන්න පොර ආව එලියට.ශෝට නෑ.ටවල් එක විතරයි..කසනව කැසිල්ලක් ⁣මයෙ අම්මා ආයෙ මොනාද බස බස ගාල.අයිටම් එක අතට අරගෙන අම්ම්ම්ඹරනවා..😁😁😁

ඉවරයක් ඇත්තෙම නෑ.අායෙ ටවල් එකත් කඩල වෙන ශෝටක් දාගෙන ආව එලියට.ඒත් අර විදියමයි.කසනව කැසිල්ලක් බස බස බස ගාල.මට හිනා ගියා බකස් ගාල.මං සද්ද නැතුව බලගෙන හිටිය සීන් එක.එක එක ඇඳුම් මාරු කර කර කසනව.පැය බාගයක් විතර..ගියා.ඒත් ඉවරයක් නෑ.මං ශේප් එකේ ඒ පැත්තට ඇදුනා.

*මොකෝ කෝප්‍රල්.කසානාද.ඔච්චර කසන්නෙ.

* නෑ බං.ශෝටෙ දැළඹුවෙක්ද කොහෙද ඉඳල ගෑවිලා.දැවිල්ලයි බං.ඒ මදිවට කහනව." කිය කිය අතුල්ලනව අයිටම් එක අතටත් අරං කහනව.මං ඊයා.....අනේ.. කියන ගමන් එතනින් මගෑරිය.පැයක් විතර ගියා.තවම කහනව.ඒ මදිවට පොල්තෙල් නාවල.පොල්තෙල් බෝතලේම හලලද කොහෙද.මං කිට්ටු කරා.විස්තරේ ඇහුව.දළඹු කතාවම කිව්ව.මං කෝ බලන්න කියල කියන ගමන්ම ටවල් එක ඈත්කරා.(සෙබළු අපි ඉන්නෙ එක්කුස උපන් සහෝදරයො වගේ.ඒව ලොකු දේවල් නෙවෙයි.අපිට අපි විතරනෙ යුධපිටියෙත්.)මං බැලුව අම්මට සිරි අයිටම් එක පට්ටෙට ඉදිමිලා.කහලම නිය පාරවල් හිටං තිබුනා.මගේ පපුව හෝස් ගාල ගියා.දඬුවමට දඬුවම සැරවැඩී කියල තේරුනා.ඇස්දෙකට කඳුලුත් පිරුනා.මං ඒකට ත්යෙන එකම බෙිත ගාල නිදාගන්න කියල ආව.ඔිකට එකම බෙිත තමා දෙහි දළු.දෙහි වෙනුවට දොඩං ගහක් තිබුනෙ.ඒකෙන් දළු මිටක් කඩාගෙන ඇවිත් හොඳට තලල හැම තැනම ගෑව.ගාන්න ගාන්න දැවිල්ල චුට්ටක් අල්ලනව තමා.ඒ වගේම ලෙඩෙි නිට්ටාවටම සුව වෙනව.මං ඒ පුතිකාර කරන ගමන් හිතාගත්තා ආයෙනං කවමදාකවත් මෙි වගෙ ගොං වැඩක්නං කරන්නෑ ආයෙ කියල..."""ඔයාලත් එහෙමද?""



රුවින් පමුදිත යද්දෙහිආරච්චි

2 comments:

  1. බුකියේ ඔයාගේ පෝස්ට් කියවන අතරේ මේ යෝදයට බ්ලොග් එකක් හැදුවනම් මක් වෙනවද කියලා හිතුන නිසා මං ඔයාට මැසේජ් දෙකකුත් දැම්මා බ්ලොග් එකක් හදපිය කියල.. මේ තියෙන්නේ ලිපි සියල්ලම පිළිවෙලට.. රස්සාව කරන අතරේ එහෙ මෙහේ දුවන අතරේ විවේක ලැබෙන වෙලාවට කියවද්දී බුකියේ කියවිල්ල හුඟක්ම අමාරුයි. බ්ලොග් එක චේදයෙන් චේදය හරි ටිකෙන් ටික විවේක තියෙන වෙලාවට කියවන්න පුලුවනි.. ස්තුතියි බ්ලොග් එක හැදුවාට..

    කරන අලුගුත්තේරු වැඩ සියල්ලක්ම තනියම කරන එක ආරක්ෂාවට හොඳයි.. මමත් ඒ වගේ කරපු දේවල් අනන්තයි අප්‍රමාණයි.. අහල පහල ගෙදරක නාන කාමරේ වතුර පාරට හරවලා පාර පුරා උන් නාන වතුර.. ඒ උඩින් තමයි මිනිස්සු යන්නේ එන්නේ.. බලන් ඉඳලා බැරිම තැන උන් ට්‍රිප් එකක් ගිය දවසක දැම්මා කොන්ක්‍රීට් පයිප්පයක් හොයාගන්න බැරි වෙන්න..

    දිගටම ලියාගෙන යමු.. ලියවිල්ල බොහොම රසවත්.. ජයවේවා..

    ReplyDelete
    Replies
    1. බොහොමත්ම ස්තුතියි ඔබ තුමාට

      Delete