කල්මුනේ හරහා මඩකලපුවට

මං මෙි වෙනකොට මඩකලපුවෙ හිටියෙ. දන්නවනෙ ඉතින් පිස්ටෝල ගෘප් හැම තැනමනෙ. ඒත් ඔිකෙ එච්චර වෙනසක් ගානක් අනතුරක් පෙනුන්නෑ. එදා මට ජීවිතේ පළවෙනි වතාවට ගොවිසෙතකින් රුපියල් පන්සීයක් ඇදිල තිබුනා. ඒ වන විට මගේ ඔරාලා්සුවත් පාව්ච්චි කලා ඇති කියල හිතිල තිබුනෙ. ඉස්සර මගේ සිරිතක් තිබුනා ගත්තු දෙයක් ඒ විදියට තියාගන්නැති. මොක උනත් මොඩිෆයි කරනව. තිබ්බ ඔරාලා්සුවත් බ්ලේඩ් එකකින් හූරල සිගරට් අලු දාල මැදල කණ්නාඩ්ය වගෙ හදාගෙන තිබුනෙ. ඔික අන්තිමෙි බ්‍රිගේඩ් එාක් හැමෝම කරන්න ගත්තා.(රසීත් කැමැත්ත දුන්න ගමන් මොඩිෆයි කරන්න හිටියෙ)

රුපියල් පන්සීයක් කියන්නෙ ඒ දවස්වල ලොකු ගානක්. හිතාගන්නකො මෙහෙම.. ගල් බෝතලයක් දෙසිය දහයයි.පැලවත්තක් එකසිය අසූවයි. තේරුණා නේ. ඒ වුනාට මං ගන්න යන ඔරලෝසුව කැසියෝ එකක්. ඒක නවසීයක් වෙනව.
මාත් ඉතින් හතරට විතර කට්ටියට එම්අයි රූම් යනව කියල පචයක් අතෑරල පැන්න කෑම්ප් එකෙන්. (අපේ ගැන් එකට පැයක් දෙකක් මාව නැතුව ඉන්න බෑ..උන් බයේ මං උන්ටත් නොකිය උන්ව කාටහරි විකුනලවත් දායි කියල.😁😁😁 ඉතින් යන හැමතැනම හොයනව) එලියට හොරෙන් පැනල ගිහින් මුස්ලිම් පල්ලිය ගාවින් ඇතුලට දාල ටිකට් එකත් මාරුකරල ආයෙත් ටිකට් පහකුත් අරගෙන ඔරලෝසුවකුත් ගත්තා..සල්ලි තිබ්බ මංගාව. මාත් ඉතින් කඩ කඩ ගානෙ ගිහිල්ල මට ඔින ඔින කරන ඒව අරගත්තා.
මට ඔය අස්සෙ මතක් උනා රසීවත්. එයාටත් මොනාහරි අරන් යන්න එපෑ.සමෝසා පහයි එලවලු රොටී පහයි..රෝල්ස් පහයි.ඔය මදෑ...මටමනෙ කන්න වෙන්නෙ. මෙිව අරගෙන ගිහින් දුන්නට මට බනිනව මිසක් ඒ උන්දා මෙි එකක්වත් කන්නෑ. ආපහු දෙනව තමුසෙම කනව කියල. මාත් ඒකයි ඒවම ගත්තෙ. බැනුම් අහ අහ ඔිව කනකොට මාර ෆිට් එකක් එනව ඇඟට. ඒකයි. .😁😁😁

මාත් හවස හතට විතර කෑම්ප් එක ඇතුලට ආව. එනකොට හෙන කේස් එකයි එහෙ..මාව හොයල හැමතැනම.. බිලට් එකට ආව විතරයි "කොහෙද භළ්ළො ථෝ ඝ්‍යෙ??කිය කිය අහනකොට මාත් එක එක තැන් කිය කිය හිටිය. හේතුව අපේ කොල්ලෙක්ගෙ තාත්ත නැතිවෙලා. ඒකට බැනර් එක යවන්න තමා හොයල තියෙන්නෙ.(ඊයෙ හවස මැරිල තිබුනෙ.මට හිතිල තිබුනෙ කැටෙිට මාවම යවයි කියලත්)
කොහොම හරි රෑ මට ඔය කැටෙි සෙට්වුනා. සල්ලිත් මදි අතේ. අම්පාරට යන්නත් ඔින.
ඒ යන පිළිවෙල මනම්පිටියට ඇවිත් මහඔය හරහා තමා යන්න තියෙන්නෙ.පාරවලුත් අන්තිම සවුත්තුයි. හෙනම දුරයි.
කෝම කෝම හරි පහුවදා උදේම මං යන්න ලෑස්තිවුනා මළගෙදර. විශේෂයෙන්ම මට කිව්වෙ මළගෙදරම පළයං කියල.මොකද මලගෙදර තියෙන්නෙ අම්පාරෙ..මං යන්නෙ අනුරාදපුරේ. මාතර මලගෙදර නං යාපනෙන් තමා මතුවෙන්නෙ. මාත් ආසයි කියන දිහෑ එකපාරින්ම ගිහින් එන්න.ඒත් ලිකර් සෝප් කාරයො කැමතිනෑනෙ.. මට එක පාරක් වවිනියාවෙ වැඩකට ගිහින් එන්න කියල පාස් එකකුත් දීල යැව්වම මං මතුවුනෙ පදවියෙන්. අපි හිටියෙ මුලතිව්.බලන්ඩ ඉතින්😁😁😁☺️☺️☺️..
මටත් හිතුනා පුන පුනා කිව්ව විදියට කොාහාම හරි මලගෙදරම යන්න වෙයි කියල.😁😁

ඉතින් මල ගෙදර ගහන්න බැනර් එකත් හැත්තැපහකට විතර නමල නමල මල්ලක දාගෙන කෝකටත් කියල උවමනාවුනොත් ගන්න කාටත් හොරෙන් සරමකුයි පප්ප බැනියමයි අත්දිග නැසනල් සුදු කමිසෙයි (මං ඉස්සර නිවාඩු යන්න ඇන්දෙ නැෂනල් එක.ඒකත් වෙනම ආතල් එකක් ඈ.) තම්බි තොප්පියයි රෝල් කරල පත්තර කොලේක ඔතාගෙන ඒකත් සිරි සිරි මල්ලක දාගෙන රසීගෙනුත් නයට අතමාරුවක් ඉල්ලගෙන කෑම්ප් එකෙන් දොට්ට බැස්සා.(රසී ඉල්ලපු ගමන් සල්ලි දෙනව මට.මං ඒ වෙනකොටත් හතක් හතාමාරක් ණයයි බුවීට..දවස් තුනහතරක් කනක් ඇහිල හිටියැකි කියල .. හැබැයි ඉතින් ඒකත් මූනටම කියල තමා දෙන්නෙ).

අරමුණ මළගෙදර යන්න.
මඩකලපුවෙ නිවාඩු යන්න ඔින අනිවාරයෙන් කොන්වොයි එකේ. මාත් අද යන්න ඔින කොන්වොයි එකේ. ගිහිං මනම්පිටියෙන් බැහැල තමා අම්පාර යන්න ඔින.
ඒත් ඒකෙ යන්න හිත දුන්නෙම නෑ. අහුවුනොත් අහුවෙච්චාවෙ කියල මං අර බඩු ටිකත් අරගෙන කාලගුනේ පොයින්ට් එකට ඇවිත් සරමයි පප්ප බැනියමයි කමිසෙයි තම්බි තොප්පියයි දාගෙන එලියට ඇවිත් පයින්ම ආව ටවුන් එක මැද්දට රෙදි බෑග් එකත් කරේ දාගෙන.කල්මුනේ අක්කරපත්තු අම්පාර හරි යන බස් එකක් අල්ලගන්නයි දැං ඔින.
මේක තනිකර නීති විරෝධී ගමනක්. මොකද කොටින්ට අහුවුනොත් ජීවිතෙන් වන්දි ගෙවන්න තමා වෙන්නෙ. කොටි ඉන්නව අනිවාරයෙන් මග. මං ආමි කියල කිසිම දෙයක් අරන්ගියෙ නෑ.අයිඩෙන්ටිය තියල ගියෙ.නිවාඩු කොලේත් රෝල් කරල සරමට තියල ඔතාගෙන ගැට ගහගෙන අනික්ව කිසි දෙයක් නෑ.

ආව අම්පාර බස් එකක්ම.වෙලාව හොදයි.මොකද අම්පාර බස් අඩුයි මෙහෙන්.ඉදල හිටල තමා යන්නෙ.ඒකත් යන ටයිම් හොයන්න අමාරුයි. නමුත් මගෙ වෙලාවට බඩු එකක් ආව. දැම්ම අත.නැග්ග.
මොනාද හිතෝතුනි කට කපලා එකයි සෙනග.
මාත් බොහොම අමාරුවෙන් එල්ලුනෙ. ඒ එල්ලුනත් දකුනු පයෙන් කාලකුයි දකුනු අතේ වලලු කරයි විතරයි බස් එකේ තිබුනෙ.අනික්ව ඔක්කොම එළියෙ. ඔහොම දත කාගෙන කාත්තන්කුඩි කලවංචිකුඩි දක්වා ආව. කලවංචි කුඩි රෝඩ් බ්ලොක් එක.එස්ටීඑෆ්.
මෙිකෙ යන හැම වාහනයක්ම පුද්ගලයෙක්ම චෙක් කරනව. මට බය හිතුනෙ කොටින්ට නෙමෙි මුංට අහුවෙයි කියල.කෙලින්ම නඩුවක්නෙ..
*නානා කොහෙද යන්නෙ.
*අම්බාරෛ ෂේර්.
*ඌර් එංගේ.
දීපල්ලකො උත්තර.මං දන්න මගුලක් නෑ කියන්නද.මොකද අම්පාර පැත්තෙ ගම්වල නං මං දන්නවෑ.😮😮😮
*යේක පොඩි වෙඩ තමා තීනවා ෂේර්,, බිෂිනේෂ් යෙක.යේකට තමා යනවා..😁😁😁
*ඌර් එංගෙ.
*මට්ටක්කලප්පු ෂේර්.
*එන්න බෑග්වල?? (උං අහපු විදියටමයි කියන්නෙ හොඳේ)
*උඩුප්පු කිඩෙක්ක ෂේර්..මත්තදු ඉටිකොල යෙක තීනවා. (ඇඳුම් තියෙන්නෙ..තව ඉටිකොලයක් තියෙනව කිව්ව)
*බලමු. (කාල වරෙල්ලකො.. බැනර් එක දිග ඇරලවත් බලයිද.බයේ බෑ.)
*⁣මොකද්ද මෙි.
*යේක ෂේර් මං බුදියනව යෙක.අද රේ මක්ක තමා යින්නවා.යෙතකොට බුදියනව යෙක ශේර්. වෙන මුක්කත් නේ..
පොර මංදිහා බැලුව.මං කිව්වෙ අදරෑ මග ඉන්න වෙනව.එතකොට එලාගෙන බුදියගන්න එක තමා මෙි කියල.පොර මං දිහා මහා අනුකම්පාවකින් බලල
*හ්ම් හම්..පෝංග පෝංග..
ඔන්න සිංහලයට වරදින එක ⁣තැනක්.අනුකම්පාව. අපි අදහන ආගමෙන්ම අපේ සංස්කෘයෙන්ම එනදේ.ඔික හරි දුර්වලකමක් අපේ..දන්නවද??
මාත් යිතින් අල්ලාහ්ට පිං යෙක දිදී එවිත් ආයෙ පස් යෙකේ..
පාරත් අවුලක් නෑ.සීටීබීයත් අරිනවා ඇරිල්ලක්..පෙරේද යන්න තිබ්බ ගමනක් අද යනව වාගෙ.
සමහර තැන්වල නමන නැමිල්ලට කටෙි හිටං වැලි.
කොහොම හරි එස්ටීඑෆ්ලගෙ එකෙන් බෙිරිලා ආව.ඊලඟට තව එකක් හම්බුනා මග.එකෙනුත් බයිල පාරක් ගහල පැනගත්තා.එකෙන් පනින්න වුනෙ තාත්ත මැරිල මල ගෙදර යනව කියල. කතාව ඇත්තනෙ ඉතින් මගෙ තාත්ත මොකද යාලුවගෙ තාත්ත මොකද.

කෝමහරි ආව සමන්තුරේට එනකං. එතනින් ආමි පොයින්ට් එකක්.
අහුවුනොත් ශෙල් එකේ..
*කොහෙද නානා යන්නෙ...
*ෂේර් යේක එංඩ වාප්පා පෝනෛ.අදු පාක්ක පෝරාං ශේර්..(තාත්තා මැරිල ඒක බලන්ඩ යනව කිව්වෙ)
*බෑග්වල මොනාද.
*එන්ඳුං ⁣ෂේර්..(ඇදුං)
*බලමු
*යන්තං ඇරල පෙන්නුව. මොන යන්තමක්ද. ලා/කෝ කට්ටෙක් හිටියෙ.බෙිරෙන්ඩම බෑ.
*එක එක අරං තිබ්බා.සපත්තු දෙක.කලිසම ටීෂර්ට් එක..අනං මනං ඔක්කොම.
*කාගෙද මෙිව.
*මගෙ ෂර්..
*ඉතින් තමුසෙට ඔික ඇදගෙන එන්න තිබුනනෙ මෙි සරං කෑල්ලක් ගහගෙන යන්නෙ.
*ඉල්ලෛ ශේර්.
*මොනාද නැත්තෙ?
*ෂිංගලන්ඩා විලංගාදු ශේර්.
*හා හා යනව යනව..
ටහුඩු..පැන්නා ඔියි..එතනිනුත්.තව මොනා ඇහුවත් සිංහල දන්නෑම කියල තමා කියන්නෙ.ශේප් වෙන්නෙ ඒමයි..බැරිම උනොත් මට ගැහුව පොලිසි යනව කියල හරි කේස් එකක් දාල පනිනවම තමා.ඉතින්.මොකද මං මං ගැන දන්නව උනාට උං ආරච්චි ගැන දන්නෑනෙ.😁😁😁
හවස හතර වෙනකොට අම්පාරෙ.අර වටෙන් ආවනං තාම මනංපිටියෙ.
කොහොම හරි අහගෙන අහගෙන රෑ අට විතර වෙනකොට මළගෙදරට ආව. පයින් යන්න තියෙනව කිලෝමීටර දෙකක් විතර.ඇල බන්ට් එකක් දිගේ..මාත් හොදට වට පිට බලා සියලු ඇඳුම් උනා තමා මෙලොවට බිහිවුන පරිද්දෙන් නාන මංකඩකින් ඇලට බැහැල හොඳට නෑව. අලි කපන කලුවර..මෙලෝ දෙයක් පේන්නෑ.ඒත් ඉතින් සෙබලෙක්නෙ නේද කියල මෙලොවට බිහිවුන පරිද්දෙන්ම තමා බැහැල නෑවෙ.ඒ අස්සෙ කව්රු හරි ආවනං ඒම මට ජීවිතේටම ගොඩ යන්ඩ වෙන්නෑනෙ කියල ඒ වෙලාවෙ හිතුනෙම නෑ. උං යනකං ගොඩ එන්ඩත් බෑනෙ... පස්සෙ අනික් පප්ප බැනියම විතරක් දාගෙන මලගෙදරට ගියා.(දවස් හතරකට ඇතිවෙන්න බඩු අරං ගියෙ )
මයෙ කිරිඅප්පුච්චියො එකම කේස් එකයි එහෙ තම්බියෙක් මලගෙදර ඇවිත්.
*ආ නානා එන්ඩ එන්ඩ.. (ඔන්න සිංහල මිනිස්සු.)
අපි ඉතිං ආගිය විස්තර කතාකරනව.උං දෙමල දන්නෑ.මං සිංහල දන්නෑ.😁😁😁😂😂😂.
මටත් හිතුනා ආතල් එක උපරිමෙන්ම ගන්ඩ.
යාලුවත් කතාකරන්නෙ කවිද කියල බලන්ඩ ඇවිත් දොර ගාවින් එබිල බලල එහෙමත් ගියා.ඌටත් ගානක් උනේ නෑ.මාව.තම්බියෙක්නෙ .මුස්ලිම් ගමකුත් පහුකරං මං ආවෙ.අනික අපි හිටපු හරියත් ටිකක් එලියට වගේ.මොකද ගමන් මහන්සිය යන්න මාරි කැට පැකට් එකක් දෙකක් කාල බීම ලීටරයක්වත් බොන්ඩ වෙනව.විටකුත් කන්ඩ ආසාවක් තිබුනා.
*නානා කොාහද මෙහෙ.
උං සිංහලයි දන්න දෙමලයි දාල මගෙන් අහනව.මං දන්න දෙමලයි නොදන්න සිංහලයි දාල උත්තර දෙනව.
*මං අම්බාරෛ මාත්තියා. යේක මෙරුනු මාත්ති මගෙ ඔඳ යාලු යෙක්කෙනා අප්පා..පාවුං.. මං අත්දෙකත් බාගෙට අහසට දික්කරල මහා අනුකම්පාවකින් කිව්වා. ඒ අස්සෙ මාරි ට්‍රෙි එකෙන් බාගෙකට වග කියල..බීම වීදුරු තුනක් බිව්වා. මාරි සුවර් නෑ එචිචර.පස්සෙ කෝපි එකකුත් ගෙන්නගෙන බොන්ඩ උනා..කයියෙං කයියෙං කෑව විටකුත් කට පුරෝලා.පැය කාලෙන් මිදුලම බතික් කලා විට කෙල වලින්..
එතන හිටපු ඔක්කොම මට හිතවත් උනා.
මං කිව්වෙ මැරුනු කෙනා මගෙ හොද යාලුවෙක් කියල.නම ගම විස්තර මං දන්නවෙන.දන්න දන්න ඒවගෙන් උපරිම වැඩ ගත්තා.
දැං මාව දෙණ බලන්න එක්ක යන්නයි ලෑස්තිය. මං කිව්වා ඒව අපිට හරාම්..ඒ නිසා ඒක කරන්න බෑ කියල.(ගියොත් අරූ දකිනව.එතකොට ආතල් එක කැඩෙනව)
කොහොමහරි මගෙ යාලුවත් පැය එකහමාරකට දෙකකට විතර පස්සෙ එතන්ට ආව.ඇවිත් කයිය ගහන අය ඉන්න තැනින්ම ඉඳගත්තා.කව්ද තම්බිය බලන්න වෙන්න ඇති.
මූ ටිකක් වෙලා ඉඳල එකපාරටම ඔලුව නමල ඇස් පුංචි කරල කකුලෙ වහපු මදුරුවෙකුත් මරන ගමන්ම මං දිහා බලලා...
*අඩෝ ආරච්චිය උඹ..
*ඔිං මාත්ත්යා..ඌ තමා..කිව්වා.
*යකෝ මුගෙ අප්පට හැ&@%$@%න මොකෑ හු%@$*තො ඔිම?? පොර ඉන්න තැනත් අමතක වෙලා මගෙන් ඇහුවා.
*මෙහෙම ඇයි හොඳ නැද්ද.
බලන්න හිතොත්තුනි සිංහල වචනයක්වත් දන්නැති එකා එකපාරට සිංහලෙන් කතා කරන කොට මගෙ එතන හිටිපු බොක්කලාට දැනෙන පීලිං එක..😁😁😁😁
වයසක පොරවල් අනික..
*පුතා අදුරනවද මෙයාව?.
*මොකද නැත්තෙ මාමා..මූ මෙි අපේ කෑම්ප් එකේ එකෙක්නෙ..දිගෑරිය..කියහල්ලකො..
*බුදු අම්මෙි. පුතා.. ඇත්තට මොකද ඔහොම.
අපිත් හිතං හිටියෙ ඇත්තටම මුස්ලිම් කෙනෙක් කියල. බලන්නකො ඔයානං මාර මිනිහෙක් තමා..
කම්මුලට අතුත් තියාගත්ත..
*මචං මං ආවෙ කල්මුනේ පැත්තෙං.ඒකයි මෙහෙම ආවෙ..ආයෙ ඇදුම් ඇද ඇද හිටියෙ නෑ..මං මග අැලෙනුත් නාල ආවෙ ඇගත් තෙත හිංදා..ඒකයි.
*මොකක් උඹ ඇලෙන් නෑව???
පොර විස්මෙන් වගේ ඇහුව)
*ඔිඔිඔි..
*යකෝ අද ඇල අරල තිබ්බෙ.පලාතෙවත් මිනිහෙක් නාන්නෑ උඩහිං ඇල ඇරියම.අපිත් ගිහින් ආපහු ආව.
*ඇයි??
* වැව ලඟ සැඩ වැඩියි පුතා...ඔයා පුදුම යකෙක්නෙ..දන්නැති ඇලවල් වලත් බැහැල..එන්නෙ.අනික මල ගෙදරක තනියම..එවනවද ඔිම..(අංකල් මගෙන් අහගන්ඩ හදන්නෙ)
*ඔිවනං මොනාද මාමා..මං එක පාරක් බොල්ගොඩ ගඟේ නාන්ඩ බැහැල කැලනි ගගෙන් ගොඩ ආවෙ...වතුරනම් මොනාද අනේ...😁😁😁☺️☺️☺️කටට ආපු එකක් අතෑරල දැම්ම.නැත්තං තව කියෝනව.

දැං මං කල්මුනේ පැත්තෙං ආව කිව්වම කලින්ටත් වැඩිය මුං බයවුනා...මොකද කිසිම ආමි පොලිස් තියා සිංහල අයටත් ඩෙින්ජර්ම පාරක්ලු ඔික.ඒත් ආරච්චි ගියා.මගෙ යාලුවත් කිසිම දාක කල්මුනේ පැත්තෙන් මඩකලපු ඇවිත් නෑලු.

මාත් ගිහින් බැනර් එක ගහල කාල ඇදගෙන හිටපු එක පිටින්ම ආයෙ පොට් එකෙන් ඉදගත්තා.
ඒ වෙලාවෙ පිට් වෙච්චි පිට්විල්ල කියන්නෙ අංකල්ලා ටික..එලිවෙනකං මගෙන් රාමායනය අහනව වගේ වීර කතා අහනව. මාත් නේද හිතෝතුනි...නමල දුන්නෙ නමල. අපේ ආච්චිම එතන දෙපාරකටත් වැඩිය මැරුණ.මාම ප්ලේන් එකක හැප්පිලා අන්ඩක් කඩාගත්තා .තාත්තා ඇමරිකා ගියා..නංගි ඉංදියාවෙ ජනාදිපතිවුනා..මං තුන් හතර පාරක් අප්‍රිකාත් ගිහිං ආව. ඩෙන්සිල් කොබ්බෑකඩුව ජනාදිපති කරල පේමදාස මහත්තයා ආමිකමාන්ඩ කරල චන්ද්‍රිනා මැඩම් මගේ නැන්දවත් කරගත්තා..😁😁😁.අනේ අර වයසක මාමන්ඩිල ටික ආරච්චිට අහුවෙලා එලිවෙනකං නිදි මැරුව..😁😁😁

මෙිව නොකෙරුවනං ඉතින් සොලෙකුත් නෙමෙයි හොඳේ..

රුවින් පමුදිත යද්දෙහිආරච්චි