Monday, April 27, 2020

සෝක් පිස්ටෝලෙ

ඔිගොල්ලො ජීවිතේ ගැන හිතන්නෙ කොහොමද? මටනං හමුදාවට බැදිල අවුරුදු කිහිපයක් ගතවුනාම ඔන්න ඔික තිබ්බත් එකයි නොතිබ්බත් එකයි.. මගුල..කියල තමා හිතිල තිබුනෙ.ඒකට ඉතින් හේතුවකුත් මං යටගිය කතාවක කිව්වනේ. ඒ විදියට ජීවිතේ ගැන හිතන්න මගේ හිතට ආවෙ අන්න ඒ කාල ඉදල.
කිරාන් වෙච්චි තව සිදුවීමකුත් කියන්නංකෝ.හැබැයි මෙි කාලෙ මගෙ ආදරයත් එකසේම පැවතුන කාලයක්.
මම ඒ නිවාඩුව ගිහින් තිබුනෙ මාස නවයකුත් දවස් විසිතුනකට පස්සෙ. ඊට කලින් යන්න තිබුනා.නමුත් මං ගියේ නෑ.නොයන හේතුවත් කිරාන්ම තමා තිබුනෙ. මං ඔහොම අම්මල තාත්තල බලල එන්න කියල නිවාඩු ගිහිල්ලත් තාත්තගෙන් කීප වරක්ම බැනුම් අහලත් හිටියෙ.
ඒ තාත්තට කෝපල් කියල තාත්තගෙන් බැනුම් ඇහුව.අම්මට සර් කියල කතාකරල එයාගෙනුත් හැදිපාරක් කාල නංගිට මචං කියල ඒකි අප් වෙලා මගෙ දතක් ගලවන්න හදල ඒකි මගෙන් අම්බානක කාල එහෙම තමා ඒ නිවාඩුව ඉවරවුනේ.
මගේ නංගි ඉන්නවනෙ. ආපෝ..අහල ගං හතකවත් නෑ ඒවගෙ කේප්ප වැස්සියක්.
අපේ අම්ම ඔිකිව රෝස කැලෙන් නෙමෙයි ගෙනත් තිබුනෙ..
අඹෙිවෙල පට්ටියෙන් පැනල පාර දිගේ උම්බෑ කිය කිය යනකොට තමා ඔිකි අපේ අම්මට හම්බ වෙලා ගෙදර උස්සාගෙන ඇවිත් තිබුනෙ.
මං එක දවසක් එ්කිට කිව්ව..
*.නංගි බබා සුදු මැනික ...මයෙ ඇදුම්ටික හෝදල දාපන් මයෙ අම්ම ඈ..
*මට බෑ එක එකාගෙ ඇදුම් හෝදන්ඩ.
*හා හා එහෙම කියන්ඩෙපා යකෝ.මං තවුසෙගෙ අයියනෙ.අනික ඔය කලිසං සාක්කුවල සල්ලිත් ඇති.හෝදනකොට හම්බ උනොත් මට ආපහු දියං ඈ.
*මට බෑ ඔියි හඩු හෝදන්ඩ..
කොහොම කොහොම හරි සාක්කුවල බැරිවෙලා සල්ලි ඇති කිව්වම බාන්ඩෙ සැරෙන්ඩර් උනා.ඔිකිට සල්ලි කිව්වොත් මැරෙයි.වෙන මොකේටවත් නෙමෙි..ඉස්කෝලෙ ඉන්න ඉසකුඩිච්චියොත් එක්ක කඩසෝරු කෙලින්ඩ.
(ඒ දවස්වල එයා උසස්පෙල පන්ති යන කාලෙ ඈ)
මගේ කලිසංවල සල්ලි බැරිකරන්ඩ තරම් මං මොංගල්ද යාලුවනේ..නෑනෙ නේද..
මෙන්න මෙිකි හිමින් සැරේ මගෙ ඇදුම් ගොඩගහනව හෝදන්ඩ.
මාත් ඉතිං කරපු වැඩෙි පර්ස් එකේ තිබ්බ රැපියල් විස්සක් හීංසැරේ කලිසමක සාක්කුවකට දැම්ම.දාල මං ශේප් වෙලා එතනින් ඇවිත් මගේ වැඩ කරගෙන ගියා.හැබැයි මං නිවාඩු ඉවරවෙලා එන දවසට කලින් දවසෙ ඒකි කියනව කලිසම් අච්චරක් හේදුව.සර්ට් ටීසර්ට් මෙච්චරක් හේදුව..පලවෙනි දවසෙ විතරයි විස්සක් හම්බුනේ කියල.
ඉතිං මං කිව්ව
තමුසෙට මං හැමදාම හෝදන්ඩ කිව්වෙ නෑනෙ.තවුසෙනෙ සාක්කුවල සල්ලි ඇති කියල ඒව උස්සන්ඩ බලාගෙන හෙදුවෙ.
*ආයෙ නිවාඩු එනවනෙ නේ..??
මාත් ඉතිං සතාව අදුරන හිංදයි පලවෙනි දවසෙ විතරක් විස්සක් දාල හැමදාම රෙදිටික හෝදව ගත්තෙ.☺️☺️☺️😁😁😁
බනින්ඩ නං එපා මගෙ ආදරණීය යාලුවනේ..ඒ අපේ මී වැස්සිගෙ හැටි හොදේ.පවුනෙ කියල ආයෙ විස්සක් දුන්න මං එයාට පස්සෙ.
ඉතිං ඔහොම කාලෙ ඉවර වෙලා මං ආව කදවුරට යන්න එදා.වාලච්චෙිනට එනකං ආව.
අපි අනිවාරයෙන්ම වාලච්චෙින ඔිට්ටමාවඩි පාලම ගාවින් බැහැලා මාර්ග ආරක්ෂක මුරය දාල තියෙනවද කියල සෙට් එකේ අහන්න ඔින.තිබ්බොත් විතරයි එතනින් එහාට එන්න පුලුවන්.නැතිනං එදා රෑ වාලච්චෙන කදවුරේ නැවතිලා පහුවදා තමා කදවුරට යන්න වෙන්නෙ.
මාත් ඉතින් එතනට එද්දි ඇති පහට විතර.
හරියටම පහට පිකට් ටික අකුලනව.ඒ කියන්නෙ මාර්ග ආරක්ෂක මුර තමන්ගෙ ඩියුටිය ඉවර කරල කදවුරුවලට යනව.
මටත් දැං මග නවතින්න මොකද්ද මොකද්ද වගෙ.හිතට හරිම නෑ.එහෙම උනොත් කෑල්ල බලන්නත් තව දවසක් කල් යනවනෙ.
ඒ නිසා මං සෙට් එකේ අහල පිකට් එක නෑ කිවුවම වාලච්චෙින කදවුරට යනවිදියට යන්න ගිහින් මගින් කැරකිලා ඇවිත් හොරෙන් නැග්ග බස් එකකට.
නසීරා ටුවර්ස් ඇන්ඩ් ට්රැවල්ස්..
දැං එනව.පිංවතුනි පපුව දහ් දහ් දහ් ගානව.මොකද පිකට් ඇකිලුවම තනිකරම කොටි රජදාන තමා මහ පාර කියන්නෙ.
ඒකෙනුත් කොකාකෝලා පොයින්ට් එක පට්ටම අනතුරුදායකයි.එතන බඩු බොහෝදුරට ඉන්නව.(මෙි විදියට ගිහිපු අපේ ගොඩදෙනෙක් අතුරු දහන්වුනා.)මටත් වීරය වගේ නැග්ගට මොකද හෙන බයයි.තනියෙන්මනෙ.
මාත් කෝකටත් කියල දොරගාවට කිට්ටුවෙලා හිටියෙ.හදිස්සියෙ නැවැත්තුවොත් පැනල දුවනව කියල හිතාගෙන.
කිරාන් එනකම්ම අවුලක් උනේ නෑ.මොකද පිකට් ඇකිලුවා විතරමනෙ.එන්න කාලය මදි නිසා වෙන්න ඇති.
මං බැස්ස කිරාන් වලින්.කිරාන් ටවුමෙ ඉදල හරියටම කිලෝමීටර් එකයි කාලක් විතර තියෙනව කෑම්ප් එකට.
මෙිටික පයින් යන්න ඔින.
වම්පැත්තෙ කෝවිල..දකුනු පැත්තෙ මීටර් හැත්තැපහක් විතර ගියාම වී මෝලක්.(මගෙ කෑල්ලගෙ නෑදෑයෙක්) එතනින් පැන්නහම ගෙවල් තුනයි කම්බි වැටවල් දෙකයි ඊට එහාපැත්තෙ කලපු කෑල්ල.ඊට පස්සෙ ඔිපන් එක.
වම්පැත්තෙ කෝවිලෙන් පස්සෙ කඩ කෑල්ලක් ඊට පස්සෙ ඔිපන් එක..ආයෙ කලපු කෑල්ල.
මෙිව කිව්වෙ උවමනා හිංද හොදේ.
මං කිරාන් ටවුමෙන් බැහැල එතැන තිබ්බ බස් හෝල්ට් එක ගාවම කඩෙිට ගියා. බඩුවගයක් ගන්න. කඩෙි ඇතුලට ගිහින් බඩු ඉල්ලන ගමන්ම සල්ලිත් රැපියල් සීයක් දික් කලා .මගේ අතින් අල්ලගත්තු මුදලාලි හුස්මගන්නෙත් නැතුව ඇස් දෙක නලලෙ තියාගෙන මට ඉතා මිහිරි කනට මීපැනි වක්කරනව වගෙ දැනෙන කතාවක් කිව්වා.
*පුද්දු ෂේර්..මෙි දෙන් බඩු ඉටියා..පිස්ටෝල් ටීම් යෙක..දුවාන්ඩ දුවාන්ඩ යේක දුවපිය ෂේර්..
කිව්වා..
ඔිවනං මොනාද මයෙ ආදරණිය යලුවනේ ඔිවට බයනං අපි හමුදාවට එයිද.
මං හීන් සැරේ වටපිට බලල බෑග් එකත් කැෂියර්ගෙ මෙිසෙ යටට විසික්ක කරල කඩෙන් එලියට ආව..ඉස්සරහ තිබුනෙ අලිය බීම කේස් වගයක් උඩට උඩට ගහලා.ඊට එහා පැත්තෙ කොකොකෝලා ඉස්සරපයිට් හතප් වගේ දේවල් කේස් ගොඩක්.
මං එකතැන පිකප් කරා පිකප් කිරිල්ලක් මහත්වර්ණි, කොකාකොලා අලිය බෝතල් කේස් ටිකත් පෙරලගෙන ඊටත් උඩින් පැනල කෙලින්ම පාරෙ පැද උඩින්ම. වැටිල ඉන්ද වෙන්න ගියත් ඒක එහෙම උන්නෑ.මං දැක්කා කෝවිල ඉස්සරහ දෙන්නෙක් ඉන්නව කලුපාට කොට කලිසම් ඇදගෙන ඊට උඩින් නිල් පාට කොටු කොටු සරම් දෙකක් ඔතාගෙන.අනිවා ඒ තමා බඩු දෙක.
කඩෙන් පැන්න පැනිල්ලට බෝතල් කේස් පෙරලිලා ගිය සද්දෙට උං බැලුව ඒ පැත්ත..ඒත් එක්කම එකෙක් මගෙ පැත්තට දුවන්න හදනව දැක්කා.
ඔයාල හිතනවද සුසන්තිකා ඔලිම්පික් ලෝකඩ පදක්කම ගන්න එච්චර හයියෙන් දිව්වා කියල?? පිස්සුද මිත්රොර්ණි මමයි එදා එයාටත් වඩා වෙිගෙන් දිව්වෙි.
පිකප් එක විතරක් කෝමද කියනවනං මං දැක්කා මගෙ ඔලුවටත් උඩින් මං දාං හිටපු සපත්තු දෙකම ගුවන්ගතවෙලා ගිහින් බිමට වැටෙනව.
මුලු පුරුස හත්තියමයි පන ඩිංගෙ වගකීමයි මගෙම කකුල් දෙකටම බාරදීල ඇරියා ඇරිල්ලක් පිංවතුනි කන්වල වැලිගැවෙන්න..අරුං දෙන්නත් මං පස්සෙ පන්නනව.පාරදිගේ කෙලින්ම දිව්වොත් අනිවා පිස්ටෝල් පාරට බඩු බනිස් වෙනා.පිමි දෙකයි ඇල්ලුවෙ වී මෝල වහල තිබුන ටකරමත් ගලෝගෙන (මං ඒ විමෝල ගැන හොදට දන්නව.මොකද මයෙ සුදාම්මියගෙ චිත්තප්ප කෙනෙක්තමා ඒ මෝල දාල තිබ්බෙ.)ඒකත් කෙලිං කරගෙන මැද්දෙං පැන්න මිදුලට. මීටර විස්සක් විතර යනකොට පොටවල් තුනයි කම්බි වැට..ඔිවනං මොනාද..ඔිවයැ අපි පහුකරල තියෙන්නෙ.. ඒ කම්බිවැටත් උඩින්....
එහා පැත්තේ ඊලගට ටොයිලට් එකක් ඒක වටෙන් දෙවැට.ඔය බාධක ඔක්කොම තරණය කරගෙන දැං දෙවැට දිගේ අරිනව ඇරිල්ලක් හම්බන්තොටට නැවෙන් බාපු අලුත් කාර් අදි වෙිගෙ කොලඹ එනවට වඩා වෙිගෙන්..
ඒත් එක්කම කලපුකෑල්ල.ඒකට පනිනවනං කම්බි පොටවල් හයක වැටක් පනින්න ඔින.
මොනාද පිංවතුනි ඔිවනං..ඔිව ඉතා සුලු දේවල්නෙ.. ටෙික් ඔිෆ් කලා කෙ⁣රිල්ලක් කෆීර් පරාදයි..උඩීන්ම උඩීන්ම උඩීන්ම ගිහින්
ජබ්බ්බෝස්ස්ස්......කලපුවෙ..ඒක එච්චර ගැඹුරු නෑ.නමුත් පීනන්ඩ ඔින. පිමි දෙකයි පීනුවෙ අතපය ගහල... මීටර් පනහක් විතර පලල කලපුවෙන් එගොඩ.පස්ස බැලිලි අදාල නෑ..දුවන්ඩයි තියෙන්නෙ.
.දැං හරියට මඩකරියෙක් වගේ...ඒ පැනලත් තව දුවනව හොඳේ..
මං ඒ පැත්තම තෝර ගත්තෙ 24×7 අපේ නිරික්ෂණ මුරයක් තියෙනව ඉස්සරහ කෝවිලේ.එතන ඉන්නව හතර දෙනෙක්.ඒක ටාගට් කරගෙන තමා දැං දුවන්නෙ..
දැං ඔිපන් එක..මං හොදටම දන්නව උන් මාව පස්සෙන් කලපුවෙන් මෙගොඩට පන්නන්නෑ..නමුත් ආ වෙිගෙන්ම දුවන්නෙ ඔිපී එක කිට්ටුවට ගිහින් කෑගහල කිව්වොත් එතන ඉන්න වුන් මම පන බයේ දිවුවට වඩා වෙිගෙන් ටවුමට දුවං එනව අරුං දෙන්නව බාවන්න.ඒකයි වෙිගය අඩු නොකර දිව්වෙ.
ඒ පොයින්ට් එක කිට්ටුවෙන කොටම මං කෑගහගෙන ගියා පිස්ටල් ගෘප් එකෙන් පන්නනව පිස්ටල් ගෘප් එකෙන් පන්නනව කියල.. ඉස්සරහම හිටියෙ තිලකරත්න කියල පොරක්..
පොරත් මයෙ අප්පා පිකප් කරා පිකප් කෙරිල්ලක් දූවිලි වලාවක් විතරයි පෙනුනෙ බඩු නෑ..ඔහොම තුන්දෙනෙක් ටවුමට පාර දිගේ දිව්වා.මාත් නැවතිලා අනේ වෙච්චි දෙයක් කියල හිත හිත හැති අරින ගමන් හිමීට පාරට ඇවිත් ආයෙ ටවුම පැත්තට යන්න ගියා.
මාත් දැං සාමාන්ය වෙිගෙන් දුවනව..ඒ යනවත් එක්කම එක සීරුවට වෙඩි ප්රහාරයක් ඇහුනා. මෙි වෙඩි තියන්නෙ අපෙ පන්නපු තුන් දෙනා.මාත් වෙිගෙ ටිකක් වැඩි කරල ආයෙ ඒ සද්දෙ එන පැත්තටම දිව්ව.
අපේ ඉස්සල්ලම දුවපු තිලක රත්නට අරුං පිස්ටෝල පාරක් දීල.නමුත් වැදිල නෑ.උං බලපොරොත්තු වෙන්න නැත්ව ඇති අපේ එවුං ඔච්චර ඉක්මනට ඔතනට එයි කියල.අනික උං කල්පනා කර කර ඉන්න ඇත්තෙ මං දුවපු දිවිල්ල ගැන වෙන්න ඇති.ඒක දැකපු තිලකෙ අතෑරලා අතෑර්ල්ලක් සල සල ගාල තිහම.උන්ටත් වැදිල නෑ.නමුත් පිස්තෝලයක් දාල ගිහින් තිබුනා.වැටිල වෙන්ඩ ඇති.අපි විනාඩි දහයක් විතර ක්ලියර්කරනකොට කෑම්ප් එකෙන් රොත්තක්ම එතනට ආව. උංගෙන් ආපු එකෙක් තමා පිස්තෝලෙ හොයාගත්තෙ
.
පස්සෙ ආයෙ ටවුමට උං එක්කම ගිහින් බෑග් එකත් අරං සපත්තු දෙකත් හොයාගෙන ආව කෑම්ප් එකට.
අම්මෝ...අරුං දෙන්නගෙන් වෙඩි කාල මැරුනනං හොදයි කියල හිතුන පස්සෙ.
වැඩියම අවුලක්වුන්නෑ ඉතින් පිස්තෝලයක් අත්අඩංගුවට ගත්හිංද.
බ්රවුනින් වර්ගයේ පිත්තල ප්රිස්ල් ග්රිප් එකක් ගහපු සෝක් පිස්ටෝලෙ අප්පා..සැක්.😁😁☺️☺️☺️☺️

රුවින් පමුදිත යද්දෙහිආරච්චි

2 comments:

  1. අම්මොහ් කියවන සහ කියන තරම් ලේසි නෑ නෙහ්....

    ReplyDelete