වවිනතිව් මාරුව

මං මෙි වෙනකොට හිටියෙ කල්ලඩි වල. අපේ කෑම්ප් එක මෙහෙ ස්ථාන ගත වෙලා ඉන්නකොට තවත් රෙජිමෙින්තුවක් අපේ කදවුරට ආවා තාවකාලිකව නවතින්න. ඒකත් හාරසිය ගානක්. මෙි අය අතර හිටියා අලුතෙන් පත්වීම් ලබාගෙන ආව අලුත් නිළධාරීන් පස් දෙනෙකුත්. අපිත් ඉතින් අපේ පාඩුවෙ රාජකාරි කරගෙන හිටියා.

එදා මහ මුස්පේන්තු දවසක්.අව්ව උනත් පායල තිබුනෙ කුප්ප විදිහකට.

මං එදා රාජකාරි හිටියෙ කල්ලඩි රේඩාර් එකේ.අපේ එතන පැය විසිහතරෙ රාජකාරියක් කල යුතුයි.මෙතැන ටිකක් රෙස්ට් කරන්න පුලුවන් තැනක්.මොකද මෙතන රාජකාරියට දාන්නෙ සතියක් විතර බොහෝ දුකසේ පාමුර සංචාරයේ යෙදී මහන්සිවුනු අය විතරයි.ඒ දවසක් දෙකක් රෙස්ටි කරන්න.මමත් පුරා සති එකහමාරක්ම මෙහෙම ඇදල ඇදල ඇවිදල තමා මෙි පොයින්ට් එකට වැටුනෙ. මගෙත් කකුල් තුනටියට එනකං ගෙවිල තිබුනෙ ඇවිදලම. පොයින්ට් එකට ගියෙත් තුනටියෙන් පැන පැන 😁😁😁

ඉතිං එදා මං පාමුර සංචරයට ගිහින් කෑම්ප් එකට එනකොට පාංපිට් කිලෝ දෙකකුත් කඩෙිකින් අරගෙන ආවෙ. අනික්ව ඉතින් අපේ කුස්සියෙ තියෙනවනෙ☺️☺️.වෙන මොකේටවත් නෙමෙයි පිංඔතුනි..සොටී පුච්චන්න. මොකද අපේ කුස්සි කුකා පබිලිස් සිල්වා මොඩල් එකේ උනාට ඌ උයන ඒව අපි කන්නෙ උගෙ හත්මුතු පරම්පරාවටම පිං අනුමෝදනා කරලනෙ.😁😁 ලේසියෙන් කන්න බෑ.ඒවටත් පිනක් තියෙන්න ඔින.වෙන මොකේටවත් නෙමෙි ඒව දිරවගන්නත් සංසාරෙ කුරපු පින් තියෙන්න ඔින.

මං ඇවිත් ඩියුටි බලනකොට ඒ පොයින්ට් එකට දාල තිබුනා.මොකද ඒ පොයින්ට් එකට වැටෙන්න කාලෙ හරිකියල හිතිං මං මැනගෙන හිටියෙ. හවස හතරට පොයින් එකට යන්නෝන.මායි තව එක්කෙනෙකුයි ඒ පොය්න්ට් එකේ රාජකාරි භාර ගන්න යන්න ලෑස්ති වෙලා ගියා කුස්සිය පැත්තෙ කරක් ගහන්න. ඒ රොටී පුච්චන්න අවශ්‍ය අනෙක් අඩුම කුඩුම ටිකක් ඉල්ලගන්න.

ඉතින් මං ගිහින් එකපාරටම පබිලිස්ට ටෝක් නොකර කන්න උයන්නෙ මොනවද..උයල තියෙන්නෙ මොනවද කිය කිය එහෙම ඩිකිස් පියන් ඇරල බල බල ඉද්දි පේමා ආව.

*මොනාද උඹ ඇර ඇර බලන්නෙ. ඇරියට කමහ් නෑ තිබ්බ විදිහට වහපන් ඔිව ඈ..

*හරි හරි බැජියෝ..මගෙ මැනිකේ.

මං එහෙම කිව්ව විතරයි මූ හෙන ලිස්ට් එකක් කියාගෙන කියාගෙන ගියා කියහංකො.

*ලූනු නෑ.. මිරිස් නෑ. ලුනු නෑ...තුනපහ මුකුත්ම නෑ.පොල් ඇත්තෙම නෑ..කුකුල්ලු සතියකින් ආවෙනෑ..බිත්තර ගේන්නෙ නෑ...

යකෝ මුගෙ අප්පට... හාල්ගැරුවත් මදිනෙ

අහන්නත් ඉස්සරල ලිස්ට් එකම නෑ නෑ කියාගෙන ගියා..

*⁣යකෝ මං තොගෙන් දැං ඒව ඉල්ලුවද.

*ඉල්ලුවෙ නැති උනාට උඹ බැජිය කිව්වනෙ.තව මැනිකෙ කියලත් කිව්වනෙ.

*ඒ ඉතිං වස්තුවෙ ආදරේටනෙ..

*හරි දැං පලයං.මුකුත් නෑ කිව්වනෙ.

*ආ උඹ ඒමද..ඒකනෙමෙි වැඩිය මුකුත් එපා.පොල් ගෙඩි දෙක්කුයි ලුනු ලුනු ටික්කුයි මිරිස් කරල් ටික්කුයි දියං බැජී..

මූ දෙන්න බෑම කිව්වා.මාත් වඳින්න ගියෙනෑ හිතෝතුනි.. ආව එන්න.

මූ මොන දේ කරත් පහට නාන්න යනව.මොකද හයහමාරෙ ඉදන් රෑ කෑම දෙන්න පටං ගන්න හිංද. මං ඇරල බලපු ඩිකිස්වල තිබුනේ ජාතික ආහාරය පරිප්පු.ඒක හරියට අවුරුදු දෙකේ තුනේ පොඩි එකෙකුට බඩගිහින් වගේ තමා උයල තිබුනෙ.අනිකෙ බෝංඩි.සුවඳනං තිබුනා.ඒත් කන්ඩ ගිහාමනෙ අවුල.

ඒ වෙනකොට සුවදට සුවදේ කුකුල් හටිටියක් ලිපේ පැහි පැහි තිබුනෙ. ඒත් කන්න ගියාපුව පව් හිතෙනව. අපිට වඩා කොච්චරනං වැඩිමල් ඇද්ද.පව්..අපිට වඩා මෝරලත් එක්කනෙ😁😁😁. අනිකනං මොකද්ද කියලවත් මතක නෑ.

මං මගට ඇවිත් අනිකට කිව්ව පොය්න්ට් එකට යන්න කියල.මොකද පේමා නාන්න ගියාට පස්සෙ අවශ්‍ය බඩුටික ස්ටෝර්ස් එකෙන් ගල් කරගන්න ඔින නිසා.

පේමා නාන්න යනකං මාත් බිත්ති කොනකට වෙලා ඩයිනමෝ දෙක කො⁣හාටවත් හරවන්නැතුව ඌ දිහාටම හරෝගෙන හිටියා.

ඌත් නාන්න ගියා කියමුකො.

මං හීන් සැරේ ඇදුනා කුස්සියට. ගියපු ගමන් ටකර⁣මකින් වහල තිබුන ස්ටෝර්ස් එකට පැනල අවශ්‍ය අවශ්‍ය දේවල් දඩ බඩ ගාල සිලි සිලි මල්ලකට පුරෝගත්තා. පැත්තක ගොඩ ගහල තිබුනා කූරිය බැරල් වගේකුත්.දෙපාරක් හිතුවෙ නෑ..එකක් උස්සලා දාගත්තා සාක්කුවට.

ඒ ක්‍රියාන්විතය සාර්ථකයි.මං බිලට් එකට ඇවිල්ල මගේ අනික් බඩුත් අරගෙන ගියා පොයින්ට් එකට.

ගිහින් දඩ බඩ ගාල නාගෙන එහෙම ලෑස්තිවුනා අනික් වැඩෙිට.

මාත් දඩ බඩ ගාල තුනපහ කලමනා ටික එහෙම ගානට දාල පිටි ටික එහෙම අනල ගත්තා.ආයෙත් දාඩිය පොල්ල දාගෙන හට් එක ඇතුලෙ අපි වැඩ.මං දැං රොටි වඩනව.. අරූ පුච්චනව.ඌම පුච්චනව මං වඩනව.

ඔය අස්සෙ ආව කෑම්ප් විසිට් එකක් අර අලුත් නිළධාරි පස් දෙනත්.

*ආ..කෝපල් මොනාද කරන්නෙ.

මං උඩ විසික්ක වෙලා බිමට වැටුනෙ.ඇයි හද්දෙයියනේ ලගට එනකං දැක්කෙනෑ කියහංකො.

*ම්ම්මුකුහ් නෑ.සර් මෙි පුංචි රොටියක් පුච්චන්න කියල හැදුවෙ.

*යකෝ ඒක මාරයිනෙ.පොයින්ට් එකේ සෙන්ට්‍රියෙක්වත් නැතුවද රොටී පුච්චන්නෙ.

*අපි රෑ නවයට පටන් ගන්නෙ සර්.

*ආ අමුතු එකක් වෙන්න ඇති..

හ්ම් හ්ම් බලමු මොකද්ද කරන්නෙ කියල.

එක්කෙනෙක් ආව පුච්චල තිබ්බ රොටියක් ගත්තා.කෑව.තව එකක් ගත්ත එකත් කෑව.

නියම රහයි ඉතින්..අත්තටම.මං පුරුදුවෙන්න පුච්චනව නෙවෙයිනෙ.

කොහොම කොහොම හරි අපි ඔක්කොම රොටී පුච්චල ඒ වෙලාවෙ හරි සතුටින් කාල බීල හිටිය.එතුමන්ලටත් සතුටුයි.අපිටත් සතුටුයි.එයාලා කිව්ව පට්ට වැඩෙි කෝපල්..ඔයාලා මොනා නැතත් ආතල් එකේ ඉන්නව නේද කියල.මාත් එක්ක ඒ පැයට එතුමන්ලා ඔක්කොම හිතවත් වුනා.

දැං සර්ලත් ගියා අපි සෙන්ට්‍රි. මුහුදු හුලං හරි සනීපෙට ගලාගෙන ගලාගෙන එනව.ඒත් අහස හරි මූසලයි.පයිනස් ගස්ටික නිකන් මරණයක් වෙලාවගෙ සෝකාකූලව පැද්දෙන්න ගත්තා.ඈතින් බල්ලො උඩු බුරන සද්දෙකුත් ඇහුනා.තඩිබස්සෙකුත් හුම් හුම් කියාගෙන පොයින්ට් එකේ වහලෙ යටලීයෙ දිගේ ඉගිල්ලිලා ගියා. මට හෙන මෙව්ව එකයි දැං.⁣බැලුව වෙලාව.රාත්‍රි අටෙි කණිසම ඔරලෝසුවෙි සටහන් වෙලා තිබුනා.

මං තඩි තල් කොටයක් උඩ වාඩිවෙලා හිටියෙ. මං ඒ වෙලාවෙ දැක්කා ඈතින් ටෝච් එලියක් අපේ පොයින්ට් එක පැත්තට එනව.

ඒ ආපු ටෝච් එක මග ඉදන් මුහුදෙ සද්දෙ පරයා මහ හයියෙන් මගෙ නම ආමන්ත්‍රනය කරනව ඇහුන.

*ආරච්චි ඉන්නවදෝ...

*කවිදෝඔිඔි.... ඒ මම

* මං ලස්මෝන්... ආරච්චි ඉන්නවදෝ...

*ඔව්..ඒ හු&&$%#ත තමා කතාකරනේඒඒ..ඇයි මෝකෝ...

*ආං ඒ හු&%$@ට සාජන් මෙිජර් එන්ඩ කිව්වෝ...

ඒ ආපු එකා පනිවිඩෙි කියල යන්ඩ ගියා.

මාත් ඩබල් එකේ ටෝච් එකත් අරං ගමනෙ යෙදුනා.

මං නිවස්නෙට ගිහින් සර්ව බැලුව නෑ.

ඔෆීස් එකට ගියා...

ම්හු හිටියෙ නෑ.

එකෙක් එනව ඉස්සරහට කාල ඉවරවෙලා.

*මචං සීඑස්එම් දැක්කද.

*අම්මටහුඩු උඹ.. අන්න පලයන් මෙස්එකේ ඉන්නව.උඹ එනකං දෙකේ දෙකේ පොල්ලකුත් තියාගෙන.පලයන්..ටූ අයිසීත් ඉන්නව.කිව් එම්මුත් ඉන්නව.

අමිමටහුඩු යකෝ.. මං උස්සපු බඩුගැන ආරංචිවෙලා වද්ද.අවුලක් නෑ ඇත්තම කියල ශේප් එකක් දාගන්නව කියල පපුවත් ඉස්සරහට දාල ගියා.යද්දි දැක්කා මෙස්එක ඉස්සරහ කොහොඹ ගහේ තඩි ගොනෙකුත් බැඳල ඉන්නව. ඒ නං අයාලෙ යන එකෙක්.මොකද ගම්මානෙං එන හරක් කෑම්ප් එකේ ඔිනම වෙලාවක එකෙක් දෙන්නෙක් සැරිසරණව.

මං ගනන් ගත්තෙ නෑ. ගියා ටූඅයිසී සර්ටත් විශ් කරගෙන.

*ගුඩි ඊවිනින් සර්..

*ගුඩ් ඊවිනින්... සීඑස්එම් මෙන්න ආව..

මෙස් එක ඇතුලෙ හිටපු සීඑස්එම්ට මං ආපු බව කිව්වෙ ක්වාටර් මාස්ටර්..

*ආ උඹ ආවද.මෙහෙ වරෙන් මෙි ලඟට

මටත් මෙික හෙන පෙහේලිකාවක්..තේරුනේම නෑ.සීන් එක.මාත් ලගට ගියා.

ගියපු ගමන් අතින් අල්ලගෙන අරං ගියා ස්ටෝස් එක ඇතුලට.

*තෝ හවස මෙස් එකට ආවද.

*ඔව් සර්. කියනගමන් ස්ටෝස් එක සිසාරා ඩයිනමෝව යැව්වා.

කියන්න විලිලැජ්ජාවෙි සන්තෝසේ බෑ.හිතෝතුනි.

ගොම්බෙටි තොගයයි ඇතුලෙ. ඒ මදිවට මං යනකොට පහුවදාට උයන්න තිබ්බ මුකුනුවැන්න කැරට් රාබු එහෙම තිබුනෙම නෑ.

*මොකටද ආවෙ.

*මං විස්තරේ කිව්වා.

*ඊට පස්සෙ..මොකද කලේ.

මං ඇත්තම කිව්වා.මිත්‍රවර්ණි..ආයෙ මොකටද බොරු කියන්නෙ.

*චට්ට්ට්ට්ටාාස්...දැං පල එලියට.😁😁😁😁

*බලනව අයිසෙ තමුසෙ කරපු ගොං වැඩෙන් වෙලා තියෙන දේ.අර හරක මෙික ඇතුලට පැනල ඔක්කොම කාල.ඒ මදිවට ගොමත් දාල.

තමුසෙ ඒ වැඩෙි හොරෙන් හරි කරානං මෙිකෙ දොර වහල යන්න තිබුන්නැද්ද.දැං මොනවද හෙට දවල්ට තමුසෙලට කන්න දෙන්නෙ.

පේම දත්මිටි කක කකා මං දිහා බලාගෙන හිටිය.

මං බැලුවෙ හරක දිහා.උගේ අප්පට යකෝ ඌ තාමත් ඒ කාපුව වමාර වමාර තලුමරනව.කාලක්නියා.මට මූව මරන්ඩ කේන්තියි..

කරන්ඩ දෙයක් නෑ.වෙලා තියෙන දේ මදෑ.

*සාජන් මෙිජර් හෙට මෙියාව දාන්න සීඔිට.මං කියන්නං සීඔිට කතාව.

*හරි සර්.

මං දැනගත්ත බඩු බනිස්ම තමා කියල.

උදේ නමයට සීඔි හම්බුනා.

මොනාද කියන්නෙ පිංඔතුනි මගේ ඉතිහාස කතා එමට ඇදිල ආව එතැනට.සමහර ඒවට මටම හිනා යනව.සමහර ඒව මංම කලා කියල මටවත් හිතාගන්න බෑ.සමහර ඒව මටත් මතක නෑ☺️☺️☺️😁😁

ගැහුව මෙිසෙ බෙල් එක.

එකෙක් ඔලුව දැම්ම.

එන්න කියනව සීසීට

සීසීත් ආව.

මෙි මනුස්සයව දැන්ම යවන්න ලැහැස්ති කරනව වවිනතිව් වලට.😒😒😒🤨🤨🤨🤨

මං ඒ අකුලගෙන යන පොටෝ එක තමා පහලින් තියෙන්නෙ.ලස්සනයිද බලන්න.මගෙ ආදරණීය යාලු⁣වනේ.





රුවින් පමුදිත යද්දෙහිආරච්චි