Monday, July 19, 2021

යකා



කිසිවිට පිළි නොගමි හොල්මන්             පලා'පල

මා වැනි අයට එය විසකිය                       හලාහල

අඳුරට බර වුනත් පාවෙන                      වළා පෙල

අස්සෙන් දුටිමි අව සඳ, හිත                   මුලා කල


අවසන් කරල සුපුරුදු වැඩ මුරය                 මගේ

එලියට බැස්සෙ රෑ දහයට විතර                  වගේ

කැළයක් මැදින් පාරකි කඳු වැටිය                දිගේ

තනියම එද්දි එක එක දේ හිතට                නැගේ


කන්දක් නගින විට කාටත්  වෙහෙස         දැනේ 

ඒකයි කැලේ  මැද හරියෙදි  නතර               වුනේ

ඒ පොඩි ඇසිල්ලෙදි අමුතුම වැඩකි            වුනේ

සීපත් වෙද්දි ලොමු ඩැහැ ගැන්වෙනව       අනේ


නැවතුන තැනින් වල් දෙල් ගහ තියෙන     තැන

සුදු  ගුලියක්ය, "සර-සර" සද්දයකි                 එන

වැහි බර වෙලාවක මෙි කරුමයද             මොන

කෙනෙකුට දැනෙන බය චුට්ටක් හිතනු     මැන


බුදු බණ වලින් පිට පිහිටක් නොමැත      සුකෝ

එනමුත් මෙි වෙලාවෙදි ගතියකිය              දුකෝ

මහසෝනා වුනත් දැන්නම් මෙමට       මොකෝ

තනියම එද්දි හොල්මන් කරනවද             යකෝ


මහසෝනගේ මව් පිය සිහිවුනා                    වන්

හත්මුතු පරපුරේ ගුණ ගායනා                      වන් 

අහසයි බිමයි එකටම යාවුනා                        වන්

හොල්මන ගියොත් නම් මට වාසනා             වන්


එලෙසට අසැබි දේ පිට වෙද්දිම              සද්දෙන්

කොරහත් බිඳගෙනම ඔය යන යකු      යද්දෙන්

හිත හිත ඉන්න විට යකු පැරදුනි            යුද්දෙන්

ඉස්සුනි සුදු ගුලිය වල් දෙල් ගහ           මැද්දෙන්


මා කිව්වටත් වැඩියෙන් කුණු හරප           කියා

නැගිටපු යකා එතැනින් අඩියකුදු           නොයා

පැන ඉදිරියට මාගෙත් මව් ගුණය             ගයා

අත උස්සද්දි අඩියක් පිටු පසට                    ගියා


නොදැනිම මගෙත් දකුණත              ඉස්සුනාය

ඒකෙන් යකා චුට්ටක්                        ගැස්සුනාය

අඳුරේ වුනත් ඔහු මුව                          දිස් වුනාය

හද්දෙයියනේ ඒ මගෙ                          මස්සිනාය


දහවල කෑ දෙයක් වැරදී කියන                  මෙන

වැඩ අහවර වෙලා ඔහු ගමනකිය               යන

කිස කර ගනු පිණිස ඉන්නට බැරිම          තැන

රිංගල වෙච්චි දේ කිය කිය සිනහ               සින


සුදු ඇඳුමක් ඇඳන් කැලයක් මැදින්               යන

ඒ ගිය නමුත් යන පාරේ මගින්                       පැන

කිස කල මස්සිනට පාඩම ඉගැන්                  වින

ඉන් පසු "යකා" යන නාමෙන්              හැඳින්වින


රුවින් පමුදිත යද්දෙහිආරච්චි

2021.07.19

No comments:

Post a Comment