රණ බිමෙි එක්තරා රණවිරුවකු සිටියේය. තම මවට වඩා පෙම්වතියට ඇළුම් කරන ඔහු ඇය වෙනුවෙන් සතියකට ලිපි හතරක් පහක් ලීවෙිය. මසකට එක් ලිපියක් හෝ දෙකක් පමණක් තමාගේ විස්තර ලියා මවට තැපැල් කලේය. කඳවුරට පියුම් එන වෙලාව ආසන්නයේ මෙම සෙබළා කඳවුරේ ප්‍රධාන ගේට්ටුව අසලට දුවගෙන යන්නේ දිනපතාම ඔහු වෙනුවෙන් පෙම්වතියගෙන් ලිපියක් එන බැව් දන්නා නිසාය. ලිපියක් නාවොත් ඒ එහෙමත් දවසක පමණි. දෙදෙනාගේ විස්තර හුවමාරු කරගන්නට එකල ලිපි තරම් වෙනත් සන්නිවෙිදන මාධ්‍යයක් නොවීය. එබැවින් ලිපි ලිවීම හා එන ලිපි කට පාඩම් වන තෙක් කියවීම මොහුගේ පුරුද්දයි.
තෙරුවන් සරණයි!
මගේ ආදර පොඩිපුතා වෙත සෙනෙහසින් ලියන වගනම්,
ඔයා සුවෙන් ඇතැයි සිතමි. තාත්තාත් මෙි දවස්වල ටිකක් අසනීප ගතියෙන් ඉන්නෙ. එයාට බෙහෙත් ගන්නට ගියාම පපුවෙ සෙම කිව්වා. කොච්චර කීවත් අරක්කු බොන එක නවත්තන්නෑ. ඔයාවත් මෙි පාර නිවාඩු ආහම තාත්තට ටිකක් තේරුම් කරල දෙන්න පුතේ. අපි කිව්වට අහන්නෑ. නංගිත් මෙිපාර විබහගෙන් හොඳට ලකුණු අරන් තිබුනා. ඔයා අරන් දෙනවා කිව්ව තෑග්ග ගන්න පොඩි එකී ගොඩක් අමාරුවෙන් පාඩම් කරල ලකුණු ගත්තෙ. පව් පුතේ පොඩ්ඩි. අක්කනං හැමදාම ඔයාව මතක් කරනවා. එයාගෙ යාලුවන්ට පෙන්නන්න ඔිනේ කියල ඔයාගෙ පොටෝ එකක් එවන්න කියල මතක් කරලම කියන්න කිව්වා. ඔයාට දළදා හාමුදුරුවන්ගේ පිහිටයි. පරිස්සමට ඉන්න.
මීට ආදර අම්මා.
මාස දෙක තුනකට සැරයක් පමණක් නිවාඩු ලැබෙන ක්‍රියාන්විත සේවයේ සිටි ඔහුට මව විසින් පුතාගේ ඡායාරෑපයක්ද එවන ලෙස ආදරණීය ඉල්ලීමක් කර තිබුනි. එ ඔහුගේ අක්කාට ආඩම්බරෙන් යාලුවන්ට පෙන්නන්නටය.ඒ සමගම ඔහු පෙම්වතියටත් පොටෝ එකක් යැවීමට අදහස් කර, ඇල්බමයේ තිබූ පොටෝවක් ඒ සඳහා තෝර ගත්තේය. ඒ පොටෝ එක යාලුවන් සමග ඇල්ලක නාන්න ගොස් ගත්තු පොටෝවකි. යාලුවන් සමග ගත් පොටෝ අතර නිරුවත් ඡායාරූපයක් විය. එක පොටෝ එකෙන් අවශ්‍යතා දෙකම ඉටුකරගන්නට ඔහු කල්පනා කලේය. ඒ පොටෝව අරගෙන ඔහු එය දෙකට කැපුවෙිය. ඉන් උඩ කොටස මවටත් යට කොටස තමා මතක් වෙන්නට පෙම්වතියටත් තැපැල් කලේ ඊට පෙම්වතිය දක්වන ප්‍රතිචාරය කුමක් වෙිදැයි යටි හිතින් කල්පනා කරමිනි. දින කීපයකට පසු ඔහුට පෙම්වතියගෙන් ලිපියක් ලැබිණි.
නිවසේදීය.
සදාදර මගේම සූටික්කා වෙත ලියමි. ඔයා එවපු ලිපිය ලැබුනා. පොටෝ එකත් ලැබුනා. ඒකට ගොඩක් ස්තූතියි. ඔයා ගොඩක් ලස්සන වෙලා. මං ආසාවෙන් ඉන්නෙ මෙි විදියටම ඔයාව හැමදාම දකින්න. ඉක්මනින් නිවාඩු එන්න. දැන්නම් මට ඔයාව නොදැක ඉන්න බෑ රත්තරං. පරිස්සමට ඉන්න. තෙරුවන් සරණයි.
මීට ඔයාගේම ඔයාට සදාදර ලතා.
ඒ ලිපිය සියවතාවක් පමණ කියැවූ ඔහු සිටියේ ගොඩක් සතුටිනි. ඒ ඔහු යැවූ පොටෝ එකේ විදියට ඇයත් සමග ගත කිරීමට ලැබෙන කාලය ගැන සිත සිතාය. මීට පෙර ඇයත් සමග ඒ ආකාරයට තනි වෙන්නට අවසරයක් නොලැබුනත්, පොටෝ එකේ පිහිටෙන් ඒ අවසරය ලැබිම ගැන ඔහු ගොඩක් සතුටින් පසුවිය.
ඊට තවත් දින දෙක තුනකට පසු මවගෙන්ද ලිපියක් ලැබිණි.
නිවසේදී
තෙරුවන් සරණයි.!
මගේ ආදර පොඩි පුතා වෙත.
පුතේ අපි හොඳින් ඉන්නවා. තාත්තටත් දැන් ටිකක් සනීපයි. පුතාගේ පොටෝ එක දැක්කට පස්සෙ මට ගොඩාක් දුක හිතුනා. පව් දෙයියනේ මගේ පොඩ්ඩට රැවුල කපාගන්නවත් වෙලාවක් නැතුව ඇති. ඔයා එවපු පොටෝ එකෙත් මූන පුරා රැවුල වැවිලා. නාහෙත් දික්වෙලා. ඒ මදිවට නිකටත් දෙපැත්තට බෙිරිලා.මූනත් ඇදවෙලා. ඔයා ඇදිල ගිහිං වගේ මගේ පුතේ. ඔයා ඔහෙට වෙලා දුක්විඳිනවාද මයෙපුතේ. ඔයාලාට කන්නවත් වෙලාවට ලැබෙනවද. අක්කනං කිව්වා ඒ පොටෝ එක යාලුවන්ට පෙන්නන්න බෑ කියලා. රැවුල කපපු කලින් විදිහේ ලස්සන පොටෝ එකක් යුනිපෝං එක පිටින් ගහල එවන්න කියන්න කියලා අක්කා කිව්වා.
මං නවතිමි. ඔයාට දළදා සමිඳු පිහිටයි. මීට ආදර අම්මා. පරිස්සමිං ඉන්න.
මවටත් පෙම්වතියටත් යැවූ පොටෝ දෙක මාරුවී යවා ඇති බැව් ඔහුට මීටර් වුනේ ගොඩක් වෙලාවකට පස්සේය.
රුවින් පමුදිත යද්දෙහි ආරච්චි
2021.05.27
No comments:
Post a Comment