සාම්පූර් පිස්තෝල කොටි නායකයා

 මෙි කතාව වෙන්නෙ කල්ලාර් සෝමපුර. සෝමපුර කිව්වට ඊට ටිකක් දුර මූතූර් පාරේ කිලෝමීටර් නවයක් විතර දුර. මෙි කතාවටනම් මං සම්බන්ධ නෑ. අනුන්ගෙ එකක් වුනත් කියන්න හිතුනු නිසා ඔන්න ලියල දැම්මා. 

අපේ හිංගලය කියන්නෙ මෙි ලෝකෙ ඉන්න මහ අමන පසික්කාඩු ජාතියක්. ලෝකේ අනෙක් රටවල්වල තමන්ගේ මිනිස්සු යුද්ධයක් කරද්දී තමන්ගේ මිනිහාටයි අපේ මිනිස්සු ⁣තමන්ගේම සොල්දාදුවන්ටයි සලකන විදිය හරි වෙනස්. මොකක්හරි විපතකදී වීරයන්වන, අනෙක් වෙලාවට අටපාස් නිකන්ම නිකන් ලාන්ස් කෝප්‍රල්ලාවන හමුදාවත් එක්ක මාර ඇරියස් පිට ඉන්න  මන්දමානසික තත්වයකින් පසුවෙන හරි උගත් පිරිසක් මෙි සමාජයේ ඉන්නවනේ. ඒ ඇවිත් එසේ මෙසේ චරිත නෙමෙි. ගගහ එලවන්න ඔිනේ උන්ට මමනං කියන්නේ. මෙි රටෙි ආයතනයකට පැවරිච්චි රාජකාරිය අකුරටම ඉෂ්ඨ කරලා අවසන් කරලා රටෙි සංවර්ධනය වෙනුවෙනුත් කැපවෙන ඒ හමුදාවන්ට බනින ඩෑල් දන්නෑ තමන් මැරෙනකන්ම අට පහ ගහනවනේ කියලා. මොකද ඒවා කවදාවත් ඉවරකරන්න බෑ. සමහරු තමන්ගේ බැරිකම් පා කරන්නේ ඒ විදියට. ඒකට කමක් නෑ. තමන් කරපු දේ තමන්ට තෘප්තිමත් නම්, සමාජයට වැඩදායකනම් උන්දැලා ඔින දෙයක් කියාපුවාවෙි. "ඔව්, ඔයා හරි" ඒ තමා මගේ නියාය. 

මාවිල් ආරු ක්‍රියාන්විතය ඉවරවෙලා සොරොව්වත් ඇරියට පස්සෙ අපේ ඒකකයට භාරවුනා එස්එෆ්ලයි කමාන්ඩෝස්ලයි අල්ලගත් සාම්පූර් කල්ලාර් සෝමපුර අලිඔලුව නීලාවල වලගොඩැල්ල දෙහිඅත්ත ආදී සිංහල ගම් ප්‍රදේශ ආරක්ෂා කරගන්න. මෙි වෙනකොට ඉදිරි ලයින් එකෙන් කොටි පැනල මෙි සිංහල ගම්මාන වල සැරිසරනව කියල අපිට වැදගත් බුද්ධි තොරතුරු රාශියක් ලැබිල තිබුනා. 

මෙි නිසාම දිනපතාම හැම පැයකම අපේ පා මුර සංචාර මෙි ඒරියා එකේ ක්‍රියාත්මකයි. මං එතකොට හිටියෙ කල්ලාර් කඳවුරේ. ඊච්චලංපත්තු පහුකරල තමා මෙි වෙද්දි ඉදිරිපෙල සටන් පැවතුනේ.

ඊච්චලංපත්තු කිව්වම මතක්වුනේ. මෙික මෙි කතාවට අදාල නෑ.

ෆවුසි ආන්ඩුවක ඇමතිකාලේ මෙි ගමට ආවලුනේ.ඇවිත් කිව්ව කතාවක්.

"මම ඊච්චිලාම්පාත්තු වෙිසියන්ට ඉෂ්ෂරාටත් කුරනවා,පෂ්ෂාටත් කුරනවා,බබ්බු අම්බෙන තෙන් ලුක්කු කොරනවා,කාණු තිගේ වතුර පෂ්ෂෝනවා,උක්කෝලා අරි ෂීනි දෙනවා"

මං අහල තියෙන්නෙනම් ඔහොම.

කතාවට යමුකො.

මෙි ඉද්දි අපිට තවත් බුද්ධි තොරතුරක් ලැබිල තිබුනා පිස්තෝල කල්ලියෙන් පස් දෙනෙකුත් සන්නද්ධ අංශයේ කිහිප දෙනෙකුත් මෙි ඒරියා එකට ඇවිත් මුදාගත් ප්‍රදේශ ජෑම් කරන්න ප්ලෑන් එකක් තියෙනවා කියල. ඒක සනාථ වුනේ ඉන් එකෙක් අපේ කොල්ලෙකුට වෙඩි තියල පැනල ගියාට පස්සෙ. නමුත් ඒ වෙඩිල්ලෙන් අපේ කොල්ලගෙ උඩු හමවත් කැඩිල නොතිබුනාට තත්ත්වය ගොඩක් ඩෙින්ජර් කියල ඉහලට දැනිල අපිට කල්පනාවෙන් හුස්ම ගන්න කියල අවවාද කරල තිබුනෙ. ඒ අපේ නිළධාරි අණදෙනතුමා. ඔහු නිතරම මෙි ප්‍රදේශ ආරක්ෂා කරගන්න ගොඩක් මහන්සිගත්තා. මමත් ඒ කාලෙ කාර්යාලීය කටයුතුවලට අමතරව සිවිල් සම්බන්ධීකරණ ලිපිකරු රාජකාරියත් කර කර හිටියෙ.

එදා සවස තුනට පමන මුතූර් සිට තෙරක් නොපෙනෙන කුඹුරු යාය මැද්දෙන්, ගල්කන්ද ඉදිරියෙන් දෙහිඅත්ත ප්‍රදේශයට එන පාරේ ඉඳලා  නීලාවල ගම්මානයට වැටී තිබුනු පාරේ අපේ පා මුර සංචාරයක් යොදවා තිබුනා. මෙිකට අණදුන්නෙ කෝප්‍රල් ගුණතිලක(බිලිංචුට්ටා) 

මෙයාගෙ ඒ භූමියේ පිහිටීම අනුව සැලසුමක් තිබිල තියෙනව දෙන්න ගානෙ දුරතියාගෙන පාර දිගේ යන්න.

මෙහෙම දුරක් යනකොට තවත් පාරක් හමුවුන නිසා (ඒ පාර සෝමපුර වම් ඉවුර පැත්ත⁣ට) ආයෙත් මෙි හතර දෙනා දෙන්න දෙන්න කැඩිල පාරවල් දෙකේ ගමන් කරල තියෙනව. 

⁣ඒ දෙන්නෙක් තමයි වන්නිනායක සහ ගමගේ.  වන්නිනායක මගේ කතා කිහිපයකටම සම්බන්ධවුනා.

මෙි දෙන්නා ෆුට් පැට්‍රොල් රාජකාරියේ යෙදී පාරදිගේ ඇවිදගෙන යනකොට පුට් සයිකල් එකක ආපු දෙන්නෙක්  මෙි දෙන්නව පසු කරගෙන යන්න ඇවිත් තියෙනව. 

සොලාගෙ ඇස් උකුසු ඇස් වගේ කියනවනේ. ඒ හිංදද,වාසනාව හින්දදනම් දන්නෑ වන්නිනායකට මෙි එකෙක් ගැන සැක හිතිල නවත්තල පරීක්ෂා කරන්න හදනකොට මුං දෙන්නාගෙන් පොල්ලෙ ඉඳගෙන ආපු එකා පැනල දුවන්න හදද්දි පැදගෙන ආපු එකා උගේ ඉන අතගාල යමක් ගන්න උත්සාහ කරනවා දුටු  වන්නිනායක බයිසිකලෙන් පිටිපස්සට ඇදලා. ඒ ඇද්දපාර කොච්චර සැරද කියනවනම් බයිසිකලෙයි මිනිහයි දෙකම වැටිලා. ගමගේ දුවන එකා පස්සෙන් මීටර් පනහක් විතර පන්නලා අල්ලගෙන බිම දාගෙන. 

බයිසිකලෙන් වැටුනු එකා වන්නිනායකත් එක්ක පොර බදලා බෙිරී පැනල යන්න උත්සාහ කර තිබුනා. නමුත් ඒක ඌට තියා අපිටවත් කරන්න බැරි දෙයක්. මොකද වන්නිනායක කියන්නෙ වල් එස්එෆ් පොරක්. අපි දෙතුන් දෙනෙක් උස්සන තල්කොට තනියෙන් කරගහන හොඳ හයි හත්තිය තියන එකෙක්. මෙි දෙන්නා පොර බදද්දී අරයගේ ඉනේ තිබුනු පිස්තෝලය බිමට වැටිල. ඒක ගන්න බැරිනම් වන්නිනායකගේ අවිය හරි උදුරාගන්න චෙිතනාවෙන් වන්නිනායකත් එක්ක පොර බදන්න පටන්ගත් පුද්ගලයා වන්නිගේ බෙල්ලෙම එල්ලිලා. ඒක දැකපු ගමගේ අල්ලගෙන හිටපු එකාත්  ගමගේ එක්ක පොර බදන්න පටන් ගත්තා. ගමගේට එච්චර හයිහත්තිය නොතිබුනත් කොහොම හරි මූත් එක්ක පොර බදලා. ඒ අතර පහර පිට පහර එල්ල කරමින් ගමගේව අඩපන කරන්න හදපු පුද්ගලයාගේ ඇඟට පැන්න ගමගේ ඌව බිම දාගන. 

දෙන්නගෙන් කාටවත් බෙිරෙන්න බැරිම තැන තමාත් සමග පොර බදමින් සිටි එකාව උස්සලා විසිකරපු වන්නිනායකට, ඒ වෙද්දි  පැත්තකට විසිවී තිබු තමාගේ අවිය අරගෙන නැවත ඇඟට පනින්න හදපු එකාට ජීවිතාරක්ෂාව පතා වෙඩි තියන්න සිදුවුනා. ඊලඟ නිමෙිශයේ පිස්තෝලයත් තමන්ගේ අවියත් සමග ගමගේ ලඟට දුවන් ගියපු වන්නිනායක ඒ වනවිටත් මූන කුඩු වෙන්නම පහර කා තිබූ ගමගේව පැත්තකට ඇද දමා නැවත ඉතුරු එකාවත් ජීව ග්‍රහයෙන් අල්ලගන්න නැත්තං යටත්කරගන්න උත්සාහ කලා. තමන්ගේ සගයාට වෙඩිතබනු දුටු මොහු තමාටත් අත්වෙන්න යන ඉරනම ඉවෙන්මෙන් වටහාගෙන මරබියෙන්ම වන්නිනායකගේ ඇඟට පැන නැවත ඔහුත් සමග පොර බදන්න පටන් ගත්තා. බැරිම තැන ඒකාවද උස්සා පොලවෙ ගැසූ වන්නිනායක තමාගේ හිසට එල්ලවුනු ගල් පහරද කාගෙන එයින් ලේ වැගිරෙද්දී හා වන්නිනායකගෙන් අතහැරුනු ටී 56 අවිය අතට පත්වෙන්න ඔන්න මෙන්න කියා තිබියදී උන්ගේම පිස්තෝලයෙන් ඌව නිහඬ කරන්නට සිදුවුනා. 

තත්ත්වය මෙසේ වෙද්දී වෙඬි හඩ ඔස්සේ දුර සිට එතනට දුවගෙන ආ පෙළ භාර කෝප්‍රල් සිදුවී ඇති දේ අණදෙන නිළධාරිතුමාටත් ඔහු පැමිණි පසු මුතූර් පොලිසියටත් මුතූර් උසාවි කටයුතු සිදුකෙරෙන පිලිවෙලටත් අවසන් වැඩකටයුතු පැවරුනා. මුතුර් පොලිසියේ තිබූ තොරතුරු අනුව මෙි දෙදෙනාගෙන් එක් අයෙකු මෙි ප්‍රදේශය භාර එල්ටිටීඊි පිස්තෝල කල්ලියේ නායකයා වූ "වාසු" බවත් අනෙකා ඔහුගේ සහායකයා බවත් සනාථ කරා. පසුදා යෙ⁣දුනු උසාවි කටයුතු වලින් පසු 225 බළසේනාධිපතිතුමා විසින් වන්නිනායක ලා/කෝ සිට කෝප්‍රල් දක්වාත් ගමගේ සාසෙ සිට ලා/කෝ දක්වාත් නිළ උසස්වීම් ලබාදුන්නා. ඒ අනුව අපේ බැච් එකේ කෝප්‍රල් නිළයට උසස්වූ පළවෙනියා බවට වන්නිනායක පත්වුනා.

රුවින් පමුදිත යද්දෙහිආරච්චි

2020.10.12