කිරාන් පයින්ඩින් ටෙරාස් මෙහෙයුම

මෙි කතාව වෙන්නෙ කිරාන් වලදි. කිරාන් වතුරත් බැහැල ගිහින් නිස්කලංක වුනාම හිතට මහා මූසල කමක් දැනුනා. ඒ අපේ ඇංජින් හතර අයිති කාරයන්ට භාරදෙන්න වුනු හිංද. ඒ තරමට ඒ ගැන් එක අපේ හදවත් වලට සමීප වෙලා තිබුනෙ. හැබැයි ඉතින් දෙන්න පුලුවන් උපරිම සැප දුන්නා සත්තුන්ට උනත්. කවදාවත් තිබහට කලපුවෙ ⁣වතුරවත් බොන්න දුන්නෑ අපිට හොරෙන් බිව්වොත් ඇරෙන්න. විශේෂයෙන්ම මම.මොකද මං තමා ඒ හතර දෙනාගෙ කල්ලියෙ හිටපු ජුන්නා. මටතමා සැලකුම් භාරවුනෙ.  දවසකට කෙසෙල් කඳක්නං පට්ට ගහල දෙනවාම තමා. කඳවුරේ වැවිල තිබුනු පයින්වත් නොපෑගිච්චි නැවුම් තනකොල ඒ ඒ තැන්වලට අරං ගිහින් කැව්වා. මං මෙි හතර දෙනා කවන්න දක්කන් යනකොට ඔිසී දවසක් දැකල..

*ඒයි ගොපලු ආරච්චි කියල හිනාවුනා

මාත් ඔෆිසර් මෙස් එක වටෙිම තියෙන තනකොල දවස් ගානක් කැව්වා. නැත්තං අපිටමනෙ විසි ගහන්නත් වෙන්නෙ😁😁😁.ඒ හරක් වතුරෙ අපිව අරං ගියා මදිවට වෙලාවක් කලාවක් නැතුව විසි ගහන්න තිබ්බ තනකොල ටිකත් පස් මට්ටමටම පාත් කරල දීලම තමා ගියේ.

ඉතින් එහෙම ලඟින් හිටපු අය වෙන්වෙලා ගියාම හදවතට හිතට දුකක්  පාලුවක් දැනෙනව තමා.
ඔිනම හමුදාවකට සත්තු එකතුයි. ඒකත් මාරයි කියන්නෙ උන් එකතුවුනාම යන්නෙත් නෑ. මෙි කඳවුරේ හිටියා චික්කලා රංචුවක්ම😁😁. මුවෙක්,එලුවො දෙන්නෙක්,ඊරියක්.
ඊරි ගැනනං වචනයක් කියන්නම ඔිනෙ.
මෙි ඊරි අපේ අය දවසක් කැලේ යනකොට හම්බුවෙලා තියෙන්නෙ.මහ උන්දැට අතහැරිල දවසක් දෙකක් අපේ කට්ටිය යන එන පාරෙ ඉඳල තමා අරන් ඇවිත් තිබුනෙ.පලවෙනි දවසෙ ගෙනවිත් නෑ අපේ අය මහ උන්දැ ආවොත් කුක්කු දෙන්න එක්ක යයි කියලයි අම්මෙක්ගෙන් දරුවෙක් වෙන්කරන්න තිබ්බ අකමැත්තයි හිංද කියල. හෙන හුරතල් ඩෑල්ලෙකක්. පහුවදා යද්දිත් ඩෑල් එක එතන කෑ ගගහ ඉඳල  බඩගින්නෙ.මහ උන්දැට අමතක වෙලාද,හොයාගන්න බැරුවද මංදා. පස්සෙ දවසෙ කිහිල්ලෙ ගන්නගෙන ඇවිත් .ඉන්චාජ් හිටපු කෝපල්.
 මෙිකි පට්ට ආතල් එකක්නෙ අපිට දුන්නෙ ගෙනාවම. පිටි කුක්කු බිව්වෙම නෑ. අපිත් දත කාල කාල කොහොම හරි ටික ටික පුරුදු කෙරුවම අන්තිමෙි අපිට බොන්න තියෙන කුක්කුත් මෙයා බස බස ගාල අදින්න පටන් ගත්තා. අපි කහට බොනව.මෙි උන්දැ කටවටෙි ගාගෙන පෙරාගෙන ප්රූස් ප්රූස් ගගා කුක්කු පාර අදිනව.  දවස් දෙකක් තුනක් යනකොට මූ කිරි හදා දෙනකං කෑගහනව. ඔහොම ඔහොම අපි මූට කිරිදීල හැදුවා. ඒ අස්සේ කෝපල්ලා මූට අපිට පෑගෙන්න කොටි දාපු බට්ටො  ගලවල ගෙනාපුව ඉබින්න හපන්න සෙල්ලං කරන්න දුන්නා. මෙි දැරිවිගෙ නම රාණි.
අප්පේ බලන්ඩෙපැයි අලුගසාදාල තෙල් මංද මෝරල මයිල් වැඩිල ආපුවම තිබ්බ හැඩ. බත් කනකොට ඉක්මනින් වැඩෙනව ඔින සතෙක්.
මළ කරදරේ අප්පා😁😁. කොරැස් කොරැස් ගගා අපේ බිලට් වලමයි වාසෙ. අපිට වඩා පැටල්සීට් මෙි ඌරිච්චිට තිබුනා. අපි පෝලිං උනාම මෙි උන්දැත් දකුනෙන් පෝලිං වෙනව. අපි පිකට් යනකොට මෙි උන්දැත් යනවා. යන හැම පාරකටම හොම්බෙන් ඇන ඇන හාර හාර යන්නෙ. මෙයාම බට්ටො දහයකටත් වැඩිය ගලවන්න ඇති. පුරුදු කරලත් නෙමෙයි ඌරු ගතිය හින්දා. නැත්තං අතක් පයක් ගියා වගේද කකුලක් එහෙම ගියානං. ඇයි ඉතින් යන යන තැන බැකෝ කර කරනෙ යන්නෙ.

අපි කන්න හදනකොට හොම්බ දික්කරන් එ⁣න්නෙ ඊ ගහේ වෙිගෙන් අපේ බත් එකට අරින්ඩ. ගුටිත් කනව වෙලාවකට.ඒත් ලැජ්ජ නෑ. කෑම්ප් එක ඇතුලෙ හිටියොත් නඩුවක් පයිල් කරනවම තමා. මෙයා තරුන වියට පා තැබුවට පස්සෙ තවත් එක එක සෙල්ලං දාන්න පටන් ගත්තා. අපිත් ඉතින් හරි හුරතලේට කන්න බොන්න දීල හැදුව. "රානීඊඊඊ" කිව්වනං ඇහෙන මානෙක හිටියොත් පල්ලමෙි බ්‍රෙික් කැඩුන පුට් සයිකලේ වගේ වෙිගෙන් කඩාගෙන ඇවිත් ඉස්සරහ අඬු දෙකෙන් පොලව හාරගෙන යන්න බ්‍රෙික් ගහන්නෙ.

ඉතින්  ඔහොම කල් යද්දි එක දවසක් පිකට් ගිහින් මෙයා ආවෙ නෑ. අපි හැම තැනම හෙව්ව.වරුවක් විතර හෙව්ව. කෑ ගගහ හෙව්වා. මොකද අපි පිකට් අකුලන වෙලාව මෙයා දන්නව.කොහෙ හිටියත් පාරට එනව.පිකට් එක සම්පූර්ණ වෙන්නෙ මෙයා ආහම. නමුත් එදා හවස ආවෙ නෑ. ඔහොම අපිත් පිස්සු බල්ලො වගෙ හොයද්දි පඳුරක් අස්සෙ වැටිල ඉඳල හම්බුනා. එයාට කව්රු හරි වහ දීල. පස්සෙ ටැට්ටරේ දාගෙන ඇවිත් පූර්ණ ඌරු ගෞරව සහිතව කඳවුරේ තැනකම මිහිදන් කරලා තෙලඹු පැලයක් හිටෙව්වා. මං කිරාන් වලින් එද්දි තෙළඹු පැලේත් එක හමාරක් දෙකක් විතර උසයි.

අනිකා කිරා. ඒ එලුවෙක්. ඌට කොහොඹ කොල පෙන්නන්න බෑ. කන්නෙත් වල්බතල කොල වැල් තමා වැඩියෙන්ම. අපිත් කරන්නෙ ඒ කොල හතරක් පහක් මැද්දෙන් කොහොඹ කොල මිටියක්ම තියල අතින් කවන එක. ඤරස් ඤරස් පුග් පුග් ගග ගගා පිඹ පිඹ කක කකාගෙන කක කකාගෙන  යන කොට තිත්ත ආහම අපි පස්සෙ පන්නගෙන එනවා අඹරිච්චි අං ජෝඩුවත් මෙහෙක් කරාන අනින්ඩ.ඉතින් අපි දුවනව. ඒ එක මලවදයක්😁😁😁

ඉතින් ඔහොම ඉන්න අතරේ අපිට තොරතුරු ලැබිලා තිබුනා හැමදාම අපේ පිකට් එක ඇකිලුවම සංවිදානෙ කීප දෙනෙක් පිකට් එක පස්සෙන් එනවා කියල. අපිට මෙිව කියන්න ගමෙිම  උදව් කරන කට්ටියක් ඉන්නව.එයාල කවදාවත් අපි එක්ක කතා කරන්නෑ. ඒත් තොරතුරක් තියෙනවනං අනියම් මාර්ගවලින් අපිට දැනුම් දෙනව. මෙහෙම තමා අපිට මෙි තොරතුරත් ආවෙ. මෙි වෙද්දි පුඩිපංචිකල් තාරාවිකුලම් පැත්තෙ කුඹුරු කැපෙන කාලෙ. දවල් දොලහෙන් විතර පස්සෙ රෑ දහයට පාර වහනකං වී පටවගත්තු ටැට්ටර් පෝලිමට පාලමෙන් මෙගොඩට එනව.
දවසක් ඔිසී හිටපු ගමන් එක පාරටම දවල් දෙකට විතර කඳවුරේ හිටපු අය හදිසියේම කැඳෙව්වා.අපි පහලොවක් විතර හිටියා. මාත් දිවාමුරයක ඉඳන් ආවෙ. ඔිසී කීවා බඩු පස්සෙන් එන එක වහාම නවත්තන්න ඔින, නැත්තං ලොකු කේස් එකක් වෙනව ලඟදිම කියල. අපි ඒ කියනකොට හිතුවෙ පිකට් එක එන වෙලාවට රැකසිට පහරදීමක්වත් ලේස්ති කරන්නයි යන්නෙ  කියල. ඒත් සර්ගෙ තිබුනෙ වෙනම ප්ලෑන් එකක්.

කාටද ටැට්ටර එලවන්න පුලුවන් කියල ඔිසී ඇහුවා. කෝප්‍රල් ලලිත් ඉදිරිපත් වුනත් එයාව ඩැයිවින් යවල බෑ කිව්වා. මාත් ඉස්කෝලෙ ගිහින් ඉවරවෙලා හමුදාවට එනකං කලේ ටැට්ටරයක් එලවපු එක.(දැනුත් පදින්නෙ ටැට්ටරයක් තමා අප්පේ) ඉතින් කුඹුරුත් හාල තියෙනව.  මං කිව්වා සර් මට පුලුවන් කියල.
අපේ ඩැයිවර්ල ඉන්නව හත් අට දෙනෙක්ම. එදා අපේ මෙින් පිකට් දවසෙ ඔක්කොම පිකට් ගිහින්. අපේ ටැට්ටරෙයි යුනිකෝන් එකෙයි අය ගන්න බෑ.හදිසියක් වුනොත් එයාල ඉන්නෙපැයි.

පස්සෙ ඔිසී කිව්වා ගෝනි විස්සකට වැලි පුරවන්න කියල. පුලුවන් තරම් වෙිගෙන් වැඩෙි ඉවර කරන්නත් ඔින කිව්වා.(ඉස්සර හමුදාවට ගෝනි ආව බංකර් ගහන්න) මටයි ඩ්‍රයිවින් පුලුවන් කෝපල් ලලිත් පියන්තටයි වෙන වැඩක් භාර දුන්නා. ඒ අපේ ට්‍රැක්ටරය කොහොම හරි ආමි වාහනයක් කියල හොයාගන්න බැරි විදියට වෙනස් කරන්න. ඒ කාලෙ ගොඩක් සිවිල් ටැක්ටර් වල නම්බර් ප්ලේට් නෑ. තිබුනත් කාඩ් බෝඩ් කෑලිවල ගහපුව තමා තියෙන්නෙ. මොකද ඒව ගොඩ යනවට වඩා යන්නෙ මඩෙි. මඩෙයි වතුරෙයි අරෙහෙයි මෙහෙයිනෙ. කෝපල් යතුරු ටිකත් අරන් ආවම අපි දෙන්න දඩබඩ ගාල  කවුලින් කේස් එක ගලවල නම්බර් ප්ලේටුත් ගලවල දැම්මා. ඒ කරල ටූල් බොක්ස් එක හයිඩොලික් බටෙි අනං මනං ගැජට් බැජට් ඩෙකරේසන් ඔක්කොම ගලවල සීට්එකේ ලෙදර් එකත් ගැලෙව්වා. එහෙම කලාම ටැක්ටරේ පට්ට ගහපු ඉස්සෙක් වගේ වුනා. බලන්න කැතේ බෑ. මෙි පලාතෙ හැම ට්‍රැක්ටරයක්ම ඔහොම තමා.පස්සෙ අපිටත් හොයාගන්න බෑ මෙි ටැට්ටරේ අපේ එකද්ද කියලත්. ඒක ඉවර කරල ටෙිලරේ වෙනස් කරන්න බැලුවා. මොන විදියකින්වත් ඒක වෙනස් කරන්න බෑ. නම්බරෙත් කලු තීන්තෙන් ඇඳල තිබ්බෙ. අපි දෙන්න ඇංජිමයි ටෙිලරෙයි අරගෙන ගියා සර් ඉන්න තැනට.
සර් අහනව
*කොහෙන්ද අයිසෙ මෙි ටැට්ටරයක් හොයාගත්තෙ මෙච්චර ඉස්මන්ට කියල😁😁😁.
වැඩෙි බොහොම හොඳයි කිව්වට ටෙිලරේ ගැන කිව්වම සර් ටිකක් කල්පනා කරල කිව්වා පාලමට ගිහින් රෑ ගොයම් කපන්න යන කඳවුර කිට්ටුව නවත්තන සිවිල් ටැට්ටරේක ටෙිලරයක් ඉල්ලගෙන එන්න කියල. අපිත් සර් කිව්ව විදියට ටෙිලරයක් අරං ආව. ඇවිත් අර වැලි ගෝනි ටික ටෙිලරේ වටෙිට මැද ඉඩ ඉතුරුවෙන්න ඇහිරුවා.මෙික ආරක්ෂිතව පිටට ඇතුලෙ තියෙන මොකවත් පේන්නැතිවෙන්න තමා අහුරල හැදුවෙ.එහෙම හදල අපේ පෝ මෑන් ටීම් දෙකක් හැදුව විසි දෙනෙක් විතර දාල😁😁. පස්සෙ අර ඉඩ තියෙන කොටසට බැස්සුව. එයාලාගෙ යුනිපෝම් එක, එක ටීම් එකක් කොට කලිසම් ඇඳල සරම් ඉනේ බැඳල කලු ටීෂර්ට් එක ඇඳල.(කොටි ඉන්න විදියටම) අනික් පෝ මෑන් ටීම් එකේ අට දෙනා පුල් යුනිපෝම්. මම යි  කෝපලුයි දික් කලිසං ඇඳල ඊට උඩින් සරම ඉනේ බැඳල අත්දිග පරණ ෂර්ට් ඇඳල මඩ ගාගෙන. මම පරන ෂර්ට් එකක් වැලේ කඩෙන් උස්සල හොඳට මඩ දිය කරල ඉස්ස. මගේ නෙමෙිනෙ😁😁.

පස්සෙ මායි කෝපලුයි කෝවිලට ගිහින් තුන්නූරු ටික්කුත් මඩ අතින්ම අරං ගා ගෙන තුවක්කු දෙකත් පූචස් එකත් වෙන වෙනම ගෝනි දෙකකට දාල කොක්කක අමුනල දැම්ම ඇංජිමෙි.හදිසියක් වුනොත් ගන්න පුලුවන් වෙන්න. මොන යකාටවත් හොයන්න බෑ දැන් අපි ආමිද කියල. මං මගේ සිවිල් ටීෂර්ට් එකක් ඔලුව වැහෙන්න දාගත්ත අවුවෙන් බෙිරෙන්න දැම්ම විදියට. කෝපල් එයාගෙ ලොකු ලේන්සුව කැප් එකක් විදියට දාගෙන ගැටගහල. දැන්
ඔපරේෂන් පයින්ඩින් ටෙරාස් ක්‍රියාන්විතයට පහ වෙද්දි සියල්ල සූදානං.

පාලමට උපදෙස් දීල තිබුනෙ ආපු ටැක්ටර් ටිකක් ඉක්මනින් චෙක් කරල යවන්න කියල.එයාලා ගියාම අපේ එක එනකං ආයෙ කව්රුත් පාලමට ගන්න එපා කියලත් කිව්වා. අපි ගිහින් නියමිත තැනින් නැවැත්තුවම ටැට්ටර් දහයක් විතර චෙක් කරල එකපාර එවන්නත් උපදෙස් දුන්නා.ඒකට හේතුව ටැක්ටර් දහයක් විතර එකතු වෙලා එද්දි  අපේ එක මැද්දෙන් දාගෙන යන්න.. ඒ වෙනකොට ආව ටැක්ටර් ඔක්කොම යවල ආයෙ කව්රුත් එන්න කලින් අපි කුඹුරක් ගාවින් ගිහින් නැවතුනා. ඊට පස්සෙ ආපු ටැක්ටර් තමා ගොඩ ගහල එකපාර එවන්නෙ. සියල්ල සූදානං. ගුවන් විදුලි යන්ත්‍රයකුත් ඇතුලෙ.ඒක ඔිෆ් කරල හදිසියක් වුනොත් විතරක් ඔන් කරන්න.

 පිකට් එකත් දැනුවත් කරල ඔිසී මෙි වෙනකොට අපේ මෙහෙයුම ගැන. ටැට්ටර් දෙක තුනක් අපිව පහු කරල යද්දි කෝපල් කිව්වා යං කියල. මෙතනින් එහාට කෝපල්ගෙ අණ ක්‍රියාත්මකයි. ඒකයි එයාට ටැට්ටරේ එලවන්න දුන්නැත්තෙ.

දැං අපිත් එනව මඩෙි ලිස්ස ලිස්ස පාර දිගේ. ටවුමටත් ගියා.ටවුම පහු කරලත් ගිහින් පාර අයිනෙ තියෙන වී මෝලක් ගාව අපි නැවතුනා. පිකට් එක හයයි හතලිස් පහට අකුලන්න පටන් ගත්තා දැන් පිකට් එක අකුලගෙන අපේ අය අපි දිහාවත් නොබල යන්න යනව.
අපේ අය තාම ටැක්ටරේ ඇතුලෙ.කොහොම ඉන්නවද මංදා.සෙට් එක. නැගිටින්නත් බෑනෙ. පිකට් එක අකුලල ඉවරයි. අපි තව පැයක් හිටියා. අපේ ටැට්ටරේ දැං කැඩිල ඔිපන් එක ගාව. කෝපල් යට රිංගගෙන තුවක්කුව තියෙන ගෝනියත් ලඟතියාගෙන අඩු පඩු අරගෙන එක ඔිසෙට බාස් වැඩ. තද කරල තියෙන නට් බුරුල් කරනවා.ආයෙ තද කරනව.ආයෙ බුරුල් කරනවා..ආයෙ තද කරනවා. ස්පැනර් එකෙන් යකඩ කදටත් ගහනව. මං තුවක්කුව දාල තිබ්බ ගෝනිය ටැට්ටරේ තිබෙද්දිම ඒක අල්ලගෙන බිම හිටගෙන.

පිකට් එක යනවත් එක්කම ආව ස්පෝර්ට් වර්ගයේ පුට් සයිකල් දෙකක් ඩබල් ඩබල් දාල. කරේ බෑගයකුත් තිබුනා..පදින එකාලගෙ. අපි සද්ද නෑ. උං අපි දිහා බලලත් ගියා. හොඳට මූනු ටික ස්කෑන් කර ගත්තා. උපදෙස් පරිදි අපි මුකුත් කලේ නෑ. මෙික රෙකී එකක් වගෙ කලේ පලවෙනි දවසෙ. ඒ ගියෙ බඩු. අපිත් රෑ අටට විතර ආපහු ඇවිත් ඔිසීට විස්තරේ කිව්වා. ඔිසී ඇහුව සුවර්ද කියල.අපි ඔව් කිව්වා. පස්සෙ අපි දඩ බඩ ගාල කාල එදා ටවුන් එකේ ඇම්බුෂ් එක ගියා. වෙනසක් නෑ.

පහුවදාත් අපි සියල්ලට රෙඩි වෙලා පහට විතර ගිහින් තැන වෙනස් කරලා කෑන් එකේ දාං ගිය ඩීසල් ලීටර් දෙක තුනකුත් කලුවර වැටුනම ටැට්ටරේ යටට හලල ටවුන් එකේ ටැට්ටර් හදන බාසුත් පනිවිඩයක් යවල  ගෙන්න ගත්තා. පොර බොක්කෙන් ආමි සපෝට් පොරක්. අපි ටැට්ටරේ කලින් දවසට වඩා වෙනස් කරල අරං ආවෙ. වැලි ගෝනිත් යුනිසෙප් එකේ පොලිසැක් ටෙන්ට් රෙද්දකින් වහල තිබුනෙ. ඇතුලෙ අට දෙනාගෙන් කොටකලිසම් ටීම් එක කලුවර වැටුනම බැහැල අංක අනුව පාර අයිනෙ  තල් ගස් පේලියත් එක්ක තිබුනු පඳුරු කීපයකට මුවාවෙලා ඔිනෑම දේකට සූදානමින් බිම දිගාවෙලා. ඒ සියල්ල ඉවරවුනාම හත හමාරට විතර පිකට් එක ඇකිලුවා.

 කෝපල් බාස්ට කිව්ව පාරෙ ඉදගෙන ඉන්න කියල එන මොකාට උනත් පේන්න. ඒ ටැට්ටරේ කැඩිල කියල අඟවන්න.පිකට් එක අපිව පහුකරල ගිහින් විනාඩි තිහක් විතර යද්දි බඩු ආවා. එදත් අපි දැක්කා පුට් සයිකල් දෙක එනව. උන් ටිකක් කිට්ටුවට ආහම බාස් :  ⁣සර් බඩු බඩු කියල නැවිල ටැට්ටරේ ඇන්ජිම අත ගාන්න ගත්තා. සියල්ල සූදානං. ඒ වෙනකොට අපේ සිග්නල් අනුව ඇතුලෙ හිටපු  අපේ යුනිපෝම් ඉතුරු බඩු හතරත් සූදානං කරගත්තා. උන් ටික ටෙන්ට් එක ඈත් මෑත් කරල හොරෙන් බලාගෙන හිටියෙ. බයිසිකල් දෙකම අපි ලඟටම ආවට පස්සෙ අපිම උදව්වක් ඉල්ලගන්න විදියට උන්ව අදුරන්නැති විදියට නැවැත්තුවා. උනුත් නැවැත්තුව. අපි අන්නෛ(අයියා)  කියල පටන් ගද්දිම උඩින් ටීම් එක පැන්නා කඩාගෙන. උඩින් උන් පනිනවත් එක්කම සරම් ටීම්එකත් කඩාගෙන පැන්නා තුවක්කු අමෝරාගෙන. මායි කෝපලුයි ලඟම හිටපු එවුන් දෙන්නා අල්ල ගත්තා. පැන්න ටීම් දෙක අනික් බඩු දෙක කොටු කරගෙන අල්ල ගෙන අපි අල්ලගෙන හිටිපු ඩබලත් අල්ල ගත්තා. ඒ වන විට රෙඩි පිට තිබු යුනිකෝන් එක ඊලඟ විනාඩි පහෙන් දහයෙන් කඩාගෙන ටවුමෙ.එකෙක් හරි අමාරු කාරයෙක් වගේ පැනල යන්නමයි හැදුවෙ. ඒත් කල්දේරම් බත් ගිලින සරීර කූඩු ඊට වඩා හත්තිමත්. සන්තෝසෙන් වගකීමෙන් කියන්න ඔින අපි එක පාරක් ගැහුවෙ නෑ. එක උන්ඩයක් වෙඩි තිබ්බෙ නෑ.පස්සෙ බාසුන්නැහේටත් බොරුවට වෙඩි තියන්න හදල පොරවත් දන ගස්සල මූනටත් හිමීට රිදෙන්න දෙකක් ඇනල කෝපල්ම පොර එලෙව්වා. බාස් දන්නව ඉතින් එහෙම කලේ ඇයි කියල.
එදා රෑම අපි අල්ලගත් හතර දෙනාම වාලච්චෙින පොලිසියේ ත්‍රස්ත විමර්ශණ ඒකකයටද සීඅයිඩී එකටද මංදා සීඔි මාර්ගයෙන් බාර දුන්නා. රෑම සීඕත්  ආව සී කණ්ඩායමෙි  වික්‍රමය බලන්න. උං ඇදන් හිටපු ඇදුන් වලින්මයි අත් ගැට ගහල අරං ආවෙ.
සීඕත් ඉතින් අම්මෙි.... අපිට හෙන සැලකුම් ඉතින්.
හැබැයි ඒකෙන් පස්සෙ කාලයක් යනකං අපිට පිකට් පස්සෙන් එන වදේ විතරක් නැතිවුනා. සතියකට විතර පස්සෙ අපිට පොලිසියෙන්  ලියුමක් ආවා. මෙි චරිත හතරෙ චරිතාපදානය.

ඒ හතර දෙනාගෙන් කෙනෙක් කිරාන් බලප්‍රදේශය බාර ලීඩර්,පොර තමාලු කිරාන් කෑම්ප් එකට ආටි ගහන කොට ටවුන් එකේ ඉඳන් සෙට් එකෙකින් උන්ගෙ ටීම් එකට ක්ලියරන්ස් දෙන්නෙ. මිටර් පනහක් පස්සට ඉස්සරහට මෙච්චරක්  වමට අච්චරක් දකුනට කිය කිය. ප්‍රහාර ගොඩකටත් සම්බන්දලු. අනික් එකෙක් ස්නයිපර් කෙනෙක්. අපි කලින් අල්ලපු එකා වෙනුවට පත්වෙලා ආපු එකා.එකෙක් උගේ බඩිය.අනික ලීඩර්ගෙ බඩිය. මෙික අපේ කඳවුරට ඇවිත් සීඔි කිව්වෙ. පස්සෙ අපි දහ දෙනාගෙ පුද්ගලික පයිල්වලට සේවය අගයල ලිපි දැම්මා.නිකනුත් නෙමෙි.

 සුදුසුකම් සපුරපු වහාම ඊලඟ නිලයට උසස් කරන්න විශේෂ නියෝගයකුත් එක්ක.

එදාම ඒ වෙනකොට සුදුසුකම් සපුරා තිබූ කෝපල් ලලිත් පියන්ත සැරයන් නිළයටත් ලාකෝ නිමල් කරුනාරත්න කෝපල් නිලයටත් ලාකෝ තෙන්නකොන් කෝපල් නිලයටත් උසස් කෙරුනා. සාසෙ පේමසිරි,සාසෙ ගුනසිරි සාසෙ දයාරත්න ලාකෝ නිලයට උසස් උනා.
ඉතුරු අපිටත් එදාම නිල උසස්වීම් ලබන්න වාසනාව තිබුනත් ඒ වෙනකොට පැවතිය යුතු නිල සංඛ්‍යාව සම්පූර්න නිසාත් ඒ වන විට නිලයක් පැලදිමට අවම සුදුසුකමක් වූ තරු වර්ග කිරීමවත් කරල තිබුන්නෑ. නමුත් තරු වර්ග කිරීම ඉක්මනින් කරවල නිල පලන්දන්න අනිතුමා නියෝග කලා. ඒකෙන් තව හොදක් අපි දෙන්නෙකුට උනා. ඒ මෙි ක්‍රියාන්විතයට සහභාගිවූ මගේ බැජ් එකේ තව කෙනෙකුටත් හමුදාවෙන් විශ්‍රාම යනකන්ම බැජ් එකේ සැමට ප්‍රථම නිල පැලදිමෙි භාග්‍යය හිමිවුනා.

(තරු වර්ග කිරීම යනු,පාබල සෙබලුන් විසින් සමත්විය යුතු විභාගයකි.ඒ දවස්වල අපිත් කලේ ඔික.පස්සෙ වෘත්තීය අනුව වුනේ. මෙික ක්ලාස් 111,11,1 වගේ එකක්)
රුවින් පමුදිත යද්දෙහිආරච්චි
2020.05.28