මාන්කේනි ටොයිලට් බැඳපු හැටි

මෙි සිද්ධිය වෙන්නෙත් මාන්කර්නි වල.ඒ කියන්නෙ 2004.12.16. සුනාමියට දින කිහිපයකට කලින්.

අපේ මාන්කර්නි වල අලුතින් හැදුවා ටොයිලට් වගයක්.එසේ මෙසේ ඒව නෙමෙි.අලිපත සයිස් එකට.මොකද මෙිසන් බාස්ලා අපේ නෑනෙ.අපිම තමා හැදුවෙ.අපි සෙට් එක කියන්නෙ ඔිනම ලබ්බකට මහ පලවෙනියෙන්ම හොම්බ දාල ඉස්සෙල්ලාම නන්නත්තාර වෙන සෙට් එකක්.ඒවගෙ බර වැඩ කණ්ඩයට මාත් හිටිය.මං හිටියෙ අත්වැඩ දෙන්න.අපේ සීඑස්එම් හිටියෙ සාජන් මෙිජර් ලයනල් කියල කෙනෙක්.එයා ආරච්චිගෙ චරිතෙ ගැන හොඳට කියවල තේරුම් ගත්තු චරිතයක්.ඉතින් මං ඉන්නෙ කොතනද එතනට විශේෂ උපදෙස් කීපයක් අනිවා දෙනව.ඒ බර වැඩ කණ්ඩයේ මාත් නම් කරල හිටිපු නිසා දුන්නු උපදෙසක් තමා කිසි විටෙකත් මගෙ අතට මෙිසන් හැන්ද දෙන්න එපා කියන එක.මොකද ඒක අපි දෙමළ මෙිසන් බාස් කෙනෙක්ගෙන් හෙන කට්ටක් කාල තමා ඉල්ලගත්තෙ.එයාට බය තිබුනෙ මං ඔිකත් කාල නැති කරයි කියල.අනේ අපි නොදන්න පොලිස් පයරින් මෙිසන් හැඳි..සෙද්ද තමා.
දැං අපි උදේ අටහමාරට පෝලින් වෙලා එහෙම නියමිත තැනට ගියා.අපි අතරෙ එකෙක් හිටියා යන්තම් කෙලින් ගලක් ගඩොලක්  බැඳ ගන්න පුලුවන්.පොර තමා බාස්.ලැට් හතරක් බඳින්න ඔින එක පෙලට.මෙිකට වලවල් කපලා කොන්ක්‍රීට් කරලා අනං මනං ඔක්කොම කරල තිබුනේ.ඉතින් දැන් බිත්ති බැඳීමේ අවස්ථාව තියෙන්නෙ.දැන් බාස් නොහොත් සිසිර කුමාර නූල් බෝලයක් එහෙම අරගෙන වජිර හවුස් එකේ මහා පරිනත අත්දැකීම් තියෙන ඉංජිනේරුවෙක් වගේ කරකව කරකව මෙිස හන්දත් අතින් අරගෙන ආව.දැං අත්තිවාරම උඩින් ගල් බැඳිල්ලක් තියෙන්නෙ.දැං ඉස්සෙල්ලා බදාම අනන්නත් එපායැ.ඒකට වතුරත් ඔිනනෙ.
*සිසිර බදාම අනන්නෙ කොහොමද අටට එකද දොලහට එකද?
*අටට එකද්දාහං.ටක් ගාල ඔින හැබැයි.
*දෙන්නංකෝ ඔයාට...ඔිවනං මොනාද අනේ..යි
 කියාගෙනම වැලියි සිමෙන්තියි දාල කලවම් කරල ගියා වතුර ගේන්න.මාත් ඉතින් බකට් එකත් අරං ඒකට හීන් තට්ටුවකුත්  දාගෙන සිංදු කෑල්ලකුත් කියාගෙන ගියා ලිඳ ලඟට.මෙතනට ලඟම ලිඳ සාජන් මෙස් එකේ ලිඳ විතරයි.මාත් හීං සැරේ මහළු මඩමට ඇතුල් උනා.ඒ යද්දි සාජන් මෙිජර් ලයනල් රෙදි වගයක් පොඟන්න දාල ඒක හෝදනව.ඒ වෙනකොට ඒව සර්ෆ්එක්සෙල් දාල පොඟන්න දාල තිබුනෙ.මං ඔික දැක්ක.
ඉතින් මං කිව්ව
*සර්, බාස්කට් එකට පොඩි කෝටු කැල්ලක් දාන්න එපායැ.
*ඒ මොකටද.
*නෑ ඉතින් නිකන් මං කිව්වෙ.
පස්සෙ ආයෙත් මං චූටි කයියකට සර්ව අල්ලගෙන විනාඩි පහක් විතර හිටිය.
*සර් ඇයි අද උදේම බෙඩ්සීට් සරං හෝදන්නෙ.
මං ඒකත් ඇහුවෙ නෝන්ඩියට කියල සර්ට තේරුනා.
*තොට ඒකෙං වැඩක් නෑනෙ.ආව වැඩෙි කරගෙන පලයන් මෙතනින් ඉක්මනට.
*අහ් ඔවුනෙ.ඒකත් අමතක වුනානෙ අප්ප.
 මාත් සර්ගෙම බාල්දියෙන් වතුර දෙකක් ඇදල බකට් එක පුරෝ ගන්නකොට සර් සරම ගලේ ගහනව හෝදන්න.
ඉතින් මං කිව්වා
*සර් ඔික  ඔච්චර හයියෙන් ගලේ ගහන්ඩෙපා.ළමයි මැරෙයි .. අපරාදෙ..
 කිව්ව විතරයි අම්මට හුඩු අර සර්ෆ්එක්සෙල් දාපු වතුර බාස්කට් එකම සර්ගෙ හස්ත දෙකෙන් අල්ලල ඇරිය ඇරිල්ලක් මගෙ කටෙි හිටං විටමින් පාර.දැං කනෙන් හිටං වතුර බෙිරි බෙිරි මාත් ආයෙ මුකුත් නොකිය වතුර බකට් එකත් උස්සගෙන ආව.ඒ වතුර මදි.ආයෙ ගියා වතුර එකක් ගේන්න.ඒ යන්න උනෙත් අතනටමයි.
ඒ ගිහින් නෝ කතා නෝ සිනා සීන් එකෙන් වතුර දෙකක් අදින ගමනෙදි සර් අහනව
*ඇයි උඹ රෙදි බාස්කට් එකට කෝට්ටක් දාන්න කිව්වෙ?
*අහ්.. ඒක මං මෙි නිකං කිව්වෙ සර්.. ඓ් වෙලාවෙ වැඩිය කතාවට ගියේ නෑ.මොකද මං දැක්ක තව රෙදි හෝදපු වතුර බාස්කට් එකක්ම සර්ගෙ කකුල් පාමුල දිලිසි දිලිස තියෙනව.
*නෑ.වෙන්න බෑ.නෑ මට කිහාං ඇයි උඹ ඒම කිව්වෙ.
මං මීක් නැතුව වතුර දෙකත් අතින් අරන්  ජල ප්‍රහාරක කලාපයෙන් පිටට ඇවිත් කිව්ව
* සර් ලමයින්ට ගොඩවෙන්නනෙ.නැත්තං උන් මැරෙනවනෙ (දන්නෝ දනිති ඒ මොකද්ද කියලා) කිව්වා විතරයි එසැනින් අර වතුර බාස්කට්  එකත් මා හඹා ගුවන්ගතවුනා.ඒ වුනාට ඒක වැදුනෙ නෑ මං රේන්ජ් එකෙන් පිට හිටපු නිසා.හැබැයි අමු සිංහල වගයක්නම් මහ හයියෙන් ඇහුනා.මමත් හිනාවෙවී ඇවිත්
බදාම ටිකත් අනන ගමන් සිසිරට කිව්ව
*මටනං බෑ ආයෙ වතුර ගේන්න යන්න.කව්රු හරි වතුර ගෙනාවොත් මං බදාම ටික අනල දෙන්නං ඈ.
*ඇයි
*සීඑස්එම් අායෙ පැත්ත පලාතෙ එන්න එපා කිව්ව.එහෙම කිව්වෙ ආයෙ ගියොත් සුවර්රෙකටම කන්න වෙනව ආයෙ දෙකක් නෑ.
*ඒකනෙ කියන්නෙ බං.මටත් ඇහුන උඹෙ ජාතකේ අමතනව.යකෝ ඔය සක්කිලි කට ටිකක් කන්ට්‍රෝල් කරගනින්.නැත්තං උඹ කවද හරි කාගෙන් හරි වෙඩි කාල මැරෙන්නෙ.
මාත් සද්ද නැතුව මගේ වැඩෙි කරගෙන ගියා.
ඔය අතරෙදි මං දැක්ක ⁣තව මෙිසන් හැන්දක් නිකන් තියෙනව.
*ඒ සිසිරයා.මාත් බිත්ති කෑල්ලක් බඳින්නද.
*මගෙ අම්මේ එපා.මතකනෙ සීඑස්එම් කියලමනෙ එව්වෙ උඹට අල්ලන්නවත් දෙන්න එපා කියල.
*පිස්සුද බං සීඑස්එම්ට පේනවයෑ.අනික දෙන්නෙක් වැඩ කලොත් ඉක්මන්ට බැඳගන්නත් පුලුවන්නෙ.
*ම්ම්හු ම්ම්හු..එපා එපා.
*සිගරට් එකක්වත් බොමුද බං. ඒ මම.
*කෝ තියෙනවද.
*හ්ම්ම්.
*පත්තු කරහංකො.
මාත් සිගරට් එකක් පත්තු කරල පොර අතට දීල මාත් එකක් පත්තු කරගත්තා.
*අඩෝ ඔික තියාගන්න එපෑයැ තේ බීල බොන්න.
*ආ...උඹ තේ බීලත් මගෙන්ම කෙලින්ඩද බලං ඉන්නෙ.
*නෑ නෑ බං
මෙි දවස්වල ධනපාල ඇහැක් ඇරලවත් බලන්නෑ බං.
*හරි එහෙනං මං උඹට අද දවසෙම සිගරටි මං ගානෙ දෙනව හැබැයි මට බිත්ති බඳින්න දුන්නොත්.
*ඒකනං කරන්න දෙන්න බෑ මගෙ දෙයියො.
*හරි හරි බං.සීඑස්එම් එනකොට මං හැන්ද තියල බදාම ගොඩ ගාවට යන්නං.අනේ මටත් ආසයි බං.ඒකනෙ මෙච්චර අහන්නෙ.
*හැබැයි පුතෝ හරියට බඳින්න ඔින.ඇද එහෙම යන්න බෑ හොඳේ.
*හරි හරි බං.
ඔහොම කං කෙඳිරි ගාල ගාල කොහොමහරි අවසරේත් ගත්ත බිත්ති බඳින්න.මට දැං හෙන ගැම්ම.ලංකර ගත්තා ඇතිවෙන්නම ගඩොල්.ඒ ගඩොල් අපිම කපල අපිම පුච්චපු ඒව.ඔින තරම් බඩු තියෙනව.
මං ඇති වෙන්නම ආයෙත් බදාම අනල තියාගෙන වැඩෙි පටන් ගත්තා.මගෙ හිංතටත් එන්නෙ දැං මම මහා  පරිනත ෆීල්ඩ් ඉංජිනියර් කෙනෙක් වගෙ.මෙිසන් හැන්ද අතට ගත්තම හෙන ගැම්මක් එනව හිතට.මාත් ඉතින් අරෑගෙන් අහගෙන ලඹ කර කර කෙරවලේම ටොයිලට් එකේ බිත්ති බැඳගෙන බැඳගෙන බැඳගෙන යනව.බදාමත් ඇති වෙන්නම ලංකරගෙනනෙ තියෙන්නෙ.
දැන් මීක් නෑ.දෙන්නම බරට බර කරට කර වැඩ.වට පිට බැලිලි කයිය ගැහිලි මුකුත් නෑ.
ඒ අස්සෙ මං බැඳ බැඳ හිටපු බිත්තිය උඩින්ම පැනල ගිහින් තේත් ගෙනාව.ඒවත් බිව්ව.ඒත් දිගටම වැඩ.දවල් එකට කෑමට නතර කරන්න එපායෑ.අපි දෙන්න එතකං බැහැල වැඩ හිංද වෙලාව යනව තේරුනෙත් නෑ.
සිසිර කුමාරය මට කතා කරල ඇහුව කෑමට යන්නැද්ද කියල.මාත් යං යං කියල මෙිසන් හැද්දත් සිමෙන්ති ගොඩෙි ඇනල එළියට එන්න හැදුව.
අප්පට සිරි කොයි යකෝ මෙිකෙ දොර...??
මට දෙලෝ රත්වුනා.යකෝ මං එතකොට බිත්ති බැඳල තියෙන්නෙ දොරවත් තියන්නැතුවද?
කොහොම හරි ඒ වෙනකොට මං ඉනටත් චුට්ටක් උඩට බිත්තිය බැඳල තිබුනෙ.දවල් කෑමට ගියෙ අපි දෙන්නම එක්කහු වෙලා දොර තියන්න ඔින බිත්තියත් කඩල.
අරූ එතෙක් මෙතෙක් ඒ ටොයිලට් බඳිනකං මට නෙමෙි හැංද දුන්නෙ.

රුවින් පමුදිත යද්දෙහිආරච්චි
2020.03.11